មានរបាយការណ៍ជាច្រើនបានរាយថា Oppo នឹងចេញស្មាតហ្វូនស៊េរី K ថ្មីនៅប្រទេសចិនក្នុងខែនេះ ដែលវាត្រូវបានគេស្គាល់ថាជា Oppo K12s ដែលនឹងចេញលក់នៅថ្ងៃទី២២ ខែមេសានៅប្រទេសចិន ហើយ Oppo បានបង្ហាញរួចហើយនូវការរចនាទូរស័ព្ទជាមួយនឹងជម្រើសពណ៌ និងព័ត៌មានលម្អិតផ្សេងៗទៀត។
Oppo K12s នឹងមានជម្រើសទំហំផ្ទុកបួនប្រភេទគឺ 8GB+128GB 8GB+256GB 12GB+256GB និង 12GB+512GB រួមជាមួយជម្រើសពណ៌ដូចជា Star White , Rose Purple និង Prism Black
Oppo K12s មានអេក្រង់ AMOLED ទំហំ 6.67 អ៊ីញ ដែលគាំទ្រកម្រិតភាពច្បាស់ FHD+ និងមានឧបករណ៍ចាប់សញ្ញាស្នាមម្រាមដៃក្នុងអេក្រង់ វាមានកាមេរ៉ាខាងមុខ 16MP និងកាមេរ៉ាខាងក្រោយ 50MP រួមជាមួយថាមពលថ្ម 7,000mAh ដែលគាំទ្រការសាកលឿន 80W។
ការចុះបញ្ជីលើ Geekbench របស់ K12s បានបង្ហាញថាវាមានបន្ទះឈីប Snapdragon 6 Gen 4 និងដំណើរការលើប្រព័ន្ធប្រតិបត្តិការ Android 15 ដែលមានស្រទាប់ ColorOS។
ប្រភព : gizmochina