GT 7 ជាមួយនឹង Dimensity 9400+ និងតម្លៃក្រោម $410 នឹងចេញលក់នៅថ្ងៃទី 23 ខែមសា Realme បានបញ្ជាក់ជាផ្លូវការថាអំពីការចេញលក់ស្មាតហ្វូនបន្ទាប់របស់ខ្លួនគឺ Realme GT 7 នៅថ្ងៃទី 23 ខែមេសា នៅប្រទេសចិន។ នេះបើយោងតាមការបង្ហោះដោយ Weibo ដោយ Realme GT 7 បង្ហាញពីសមត្ថភាពក្នុងការប្រើប្រាស់ ក៏ជាតម្លៃដែលគួរសមផងដែរ។
នេះគឺជាលក្ខណៈពិសេស និងមុខងារសំខាន់ៗមួយចំនួនរបស់ Realme GT 7
Realme GT 7 ត្រូវបានបំពាក់មកជាមួយបន្ទះឈីប MediaTek’s Dimensity 9400+ ដែលបង្កើតឡើងនៅលើដំណើរការ 3nm ដ៏ទំនើបជាមួយនឹងការកំណត់រចនាសម្ព័ន្ធស៊ីភីយូដែលមានប្រសិទ្ធភាពខ្ពស់។ យោងតាមរបាយការណ៍ វាក៏ត្រូវបានគេរំពឹងថានឹងបំពាក់អេក្រង់ OLED 144Hz BOE ភ្ជាប់ជាមួយឧបករណ៍ស្កែនក្រយៅដៃក្នុងអេក្រង់ ultrasonic ហើយក៏មានអាវក្រោះការពារទឹកនិងធូលី IP68/IP69 ចំនុចសំខាន់មួយគឺ ថាមពលថ្ម 7,000mAh+ ដ៏ធំ នឹងគាំទ្រការសាកថ្មលឿនតាមខ្សែ100W ។
ដោយទូរស័ព្ទនេះមានតួស្តើងក្រោមកម្រាស់ 8.3mm និងមានទម្ងន់តិចជាង 205 ក្រាម ទោះបីជាមានការរចនារូបរាងស្រាលក៏ដោយ Realme កំពុងដាក់បញ្ចូលនូវការគ្រប់គ្រងកម្ដៅកម្រិតខ្ពស់ដោយប្រើ “Ice Skin” graphene cooling ដែលអះអាងថាផ្តល់នូវការសាយភាយកំដៅបានល្អជាងកញ្ចក់ធម្មតា 6 ដង។
តម្លៃ Realme GT 7
សម្រាប់តម្លៃ Realme នឹងដាក់លក់ ក្នុងតម្លៃក្រោម 410 ដុល្លារ ដែលធ្វើឱ្យវាក្លាយជាស្មាតហ្វូនដែលមានតម្លៃសមរម្យមួយផងដែរ។
ប្រភព : gizmochina