ថ្មីៗនេះ Realme បានបង្ហាញអំពីការចាប់ដៃគូជាមួយ Google ដើម្បីបង្ហាញមុខងារ AI ថ្មីនៅក្នុងទូរស័ព្ទរបស់ខ្លួន។ Realme GT 6 នឹងត្រូវបានអាប់ដេតក្នុងពេលឆាប់ៗនេះ ជាមួយនឹងមុខងារ AI ចំនួនប្រាំមួយ រួមទាំង Magic Compose ថ្មី ក៏ដូចជាមុខងារ AI ដែលយើងបានឃើញនៅលើទូរសព្ទ Realme ផ្សេងទៀត។
មុខងារ Magic Compose នឹងអាចចូលប្រើបាននៅក្នុងកម្មវិធី Messages។ វាអនុញ្ញាតឱ្យអ្នកឆ្លើយតបសារ ដោយមិនចាំបាច់វាយអក្សរអ្វីទាំងអស់ ព្រោះមុខងារនេះនឹងធ្វើការឆ្លើយតបទៅវិញបានដោយស្វ័យប្រវត្តិ។
ហើយមុខងារ Magic Compose នឹងមានជាភាសា អង់គ្លស អេស្ប៉ាញ បារាំង អាល្លឺម៉ង់ អ៊ីតាលី និងកូរ៉េ។ Magic Compose នឹងចូលរួមជាមួយមុខងារ AI 5 នៅលើ Realme GT 6។ ទាំងនេះរួមមាន AI Ultra Clarity ដែលយើងបានឃើញជាមួយនឹង Realme 13 Pro+ ។ វាប្រើ AI ដើម្បីធ្វើឲ្យរូបភាពព្រិលៗមកជាច្បាស់។ វាក៏មានមុខងារ AI-powered night mode ផងដែរ។ AI Eraser 2.0 វាអាចលុបមនុស្ស និងវត្ថុដែលមិនចង់បានចេញពីរូបថត។
AI Smart Summary គឺជា AI ដែលអាចសង្ខេបអត្ថបទបាន។ AI Smart Loop វានឹងព្យាយាមទាយអ្វីដែលអ្នកនឹងធ្វើបន្ទាប់ដោយផ្អែកលើអ្វីដែលមាននៅលើអេក្រង់របស់អ្នក ហើយវានឹងផ្តល់ជូននូវកម្មវិធី ឬសកម្មភាពដែលពាក់ព័ន្ធឲ្យធ្វើការចូលប្រើបានភ្លាមៗ។
ប្រភព : gsmarena