V40e របស់ vivo ត្រូវបានបែកធ្លាយមុននឹងចេញរូបរាងជាផ្លូវការ វាត្រូវបានបង្ហាញនូវលក្ខណៈពិសេសមួយចំនួនរបស់វា យើងមកដឹងអំពីមុខងារខ្លះៗទាក់ទងនឹង V40e នេះ ។
ស្មាតហ្វូន V40e នឹងមានអេក្រង់ AMOLED កោងទំហំ 6.78 អ៊ីញ ជាមួយនឹងកម្រិត Refresh Rate 120 Hz និងកម្រិតពន្លឺខ្ពស់បំផុត 4,500-nit ហើយវានឹងត្រូវបានបំពាក់ដោយបន្ទះឈីប MediaTek Dimensity 7300 ដែលភ្ជាប់ជាមួយ RAM 8GB និងអង្គផ្ទុកទិន្នន័យ 128/256GB ។
សម្រាប់កាមេរ៉ាវានឹងទទួលបាន 50 MP ដោយប្រើ sensor IMX882 របស់ Sony, នឹង 8 MP ultrawide ហើយវាមានកាមេរ៉ាមុខ 50 MP ដែលអាចប្រើ sensor Samsung JN1 ។ ស្មាតហ្វូននេះនឹងមានថាមពលថ្មទំហំ 5,500 mAh ជាមួយនឹងការសាកថ្មតាមខ្សែ 80W ។ ហើយវានឹងមានកម្រិត IP65 សម្រាប់ធន់នឹងធូលី និងទឹកផងដែរ។ វានឹងដំណើរការប្រព័ន្ធប្រតិបត្តិការ Android 14 ដោយមាន Funtouch OS 14 នៅខាងលើ។
យ៉ាងណាមិញវាអាចនឹងចេញលក់នូវបំណាច់ខែនេះ ហើយចំពោះតម្លៃដែលគេរំពឹងទុកនោះវាអាចនឹងមានចន្លោះពី ២៣៩ ដុល្លារ ទៅ ៣៥៩ ដុល្លារ សម្រាប់ទីផ្សារនៅក្នុងប្រទេសឥណ្ឌា។
តែទោះជាយ៉ាងណាក៏វាគ្រាន់តែជាពត៌មានលេចធ្លាយប៉ុណ្ណោះគ្រប់យ៉ាងយើងនឹងចាំមើលពេលវាចេញជាផ្លូវការ។
ប្រភព :gsmarena