បន្ទាប់ពីពាក្យចចាមអារ៉ាមកន្លងមក ពេលនេះ Redmi បានបញ្ជាក់ចេញជាផ្លូវការអំពីការចេញលក់ស៊េរី Redmi Note 14 របស់ខ្លួននៅសប្តាហ៍ក្រោយ។
ស៊េរី Note ដែលនឹងមកដល់នាពេលខាងមុខ ត្រូវបានគេរំពឹងថានឹងមានបីម៉ូដែលគឺ Redmi Note 14, Redmi Note 14 Pro និង Redmi Note 14 Pro+ ។
Redmi Note 14 នឹងក្លាយជាស្មាតហ្វូនដែលមានតម្លៃសមរម្យបំផុតនៅក្នុងត្រកូល Note មួយនេះ ។ វាត្រូវបានគេរំពឹងថានឹងបំពាក់អេក្រង់ AMOLED កម្រិត 1.5K ហើយក៏ទំនងជាប្រើជាមួយបន្ទះឈីប MediaTek Dimensity 6100+ ផងដែរ ។ សម្រាប់កាមេរ៉ាខាងក្រោយរបស់ Redmi Note 14 ត្រូវបានគេរំពឹងថានឹងភ្ជាប់មកជាមួយកាមេរ៉ា 3 គ្រាប់ទំហំ 50MP ។
ហើយចំពោះ Pro និង Pro+ មានពាក្យចចាមអារ៉ាមថានឹងភ្ជាប់មកជាមួយអេក្រង់កោង 1.5K OLED ជាមួយនឹង 120Hz ។ សម្រាប់កាមេរ៉ា ទាំង Pro និង Pro+ ក៏ត្រូវបានគេរំពឹងថានឹងមានប្រព័ន្ធកាមេរ៉ា 3 ទំហំ 50-megapixel ដូចគ្នាផងដែរ។ ម៉ូដែល Pro អាចនឹងត្រូវបានបំពាក់ដោយបន្ទះឈីប Snapdragon 7s Gen 3 ដែលទើបនឹងប្រកាស ខណៈដែល Pro+ អាចប្រើប្រាស់ Dimensity 7350 SoC ។ លើសពីនេះ ពាក្យចចាមអារ៉ាមថា ចំពោះម៉ូឌែល Pro មួយអាចមានការគាំទ្រសម្រាប់ការសាកថ្មលឿន 90W ដែលមានល្បឿនលឿនផងដែរ។ សម្រាប់ម៉ូដែលថ្មីនេះ Redmi ក៏បានសង្កត់ធ្ងន់ទៅលើប្រព័ន្ធការពារ ដូចជាការធ្លាក់ ការជ្រាបទឹកជាដើម ។
ក្រុមហ៊ុនក៏បានបញ្ជាក់អំពីការបញ្ជាកក់ទុកមុននូវម៉ូដែលនឹងចេញនៅថ្ងៃមុខផងដែរដែលអាចទាក់ទងតាមគេហទំព័រផ្លូវការរបស់ក្រុមហ៊ុនផ្ទាល់។
គួរបញ្ជាក់ផងដែលថា សម្រាប់ Note 14 Pro និង 14 Pro+ គឺក្រុមហ៊ុនមិនបានលម្អិតពត៌មានអ្វីច្រើននោះទេមានតែចាំមើលក្រុមហ៊ុនចេញមកនៅពេលក្រោយទៀត។
ប្រភព : gizmochina