ប្រាកដណាស់ថាថ្មីនេះ vivo ធ្លាប់បានបង្ហាញឈ្មោះ vivo V40 Lite រួចហើយ ប៉ុន្តែពេលនេះ ក្រុមហ៊ុន vivo ទើបតែបង្ហាញ vivo V40 Lite ស៊េរីថ្មីមួយទៀតដែលវាមានឈ្មោះដូចគ្នាទៅហ្នឹងស៊េរីមុន? ទោះវាមានឈ្មោះដូចគ្នាតែជាស៊េរីខុសគ្នាហើយស្មាតហ្វូនមួយគ្រឿងនេះ នឹងបង្ហាញខ្លួននៅក្នុងប្រទេសឥណ្ឌូនេស៊ី។
លក្ខណៈសំខាន់ៗរបស់ vivo V40 Lite ថ្មីត្រូវបានបង្ហោះនៅលើគេហទំព័ររបស់ក្រុមហ៊ុន ប៉ុន្តែការប្រកាសជាផ្លូវការនឹងធ្វើឡើងនៅថ្ងៃ ពុធ ទី 25 ខែកញ្ញាខាងមុខ ។
ទូរស័ព្ទនេះមានស៊ុមរាបស្មើ ប្រើអេក្រង់ AMOLED នឹង 120 Hz ។ vivo V40 Lite ថ្មីនេះមាន RAM 8 GB និងអង្គផ្ទុកទិន្នន័យ 128 GB ហើយមានកម្រាស់ 8 mm និង 190 gr ។ ហើយនៅផ្នែកខាងក្រោយមានកាមេរ៉ាមេទំហំ 50 MP និង 8 MP ultra-wide ខណៈនៅខាងមុខមានទំហំ 32 MP ។
វាមានថាមពលថ្ម 5,000 mAh ដែលគាំទ្រការសាកថ្ម 80W FlashCharge ម្យ៉ាងទៀតវាក៏អាចសាកថ្មពី 0 ទៅ 45%ក្នុងរយៈពេលត្រឹម 15 នាទី ។ ក្រុមហ៊ុន vivo ក៏បានធានានូវថាមពលថ្មរបស់ V40 Lite រហូតដល់ 4 ឆ្នាំ ជាមួយនឹងការរក្សាបាន 80% នៃសមត្ថភាពរបស់វា ។
យើងក៏បានរកឃើញផងដែរថាទូរសព្ទនេះនឹងមានការតភ្ជាប់ប្រព័ន្ធ 5G, ស្មាហ្វូនមួយនេះក៏នឹងមានបីពណ៌សម្រាប់ជ្រើសរើសគឺ Titanium Silver វាក៏អាចប្តូរទៅជាពណ៌បៃតងពេលនៅក្រោមពន្លឺថ្ងៃ UV, Pearl Violet និង Carbon Black ដែលមានពណ៌ស្វាយងងឹត ។
ប្រភព :gsmarena