ក្រុមហ៊ុន Microsoft ត្រូវបានគេរាយការណ៍ថាកំពុងអភិវឌ្ឍន៍ console Xbox portable នេះបើយោងតាមពាក្យចចាមអារ៉ាមបានចុះផ្សាយមក។ ការផ្លាស់ប្តូរនេះនឹងធ្វើឱ្យពួកគេប្រកួតប្រជែងដោយផ្ទាល់ជាមួយនឹងក្រុមហ៊ុន Nintendo និង Steam Deck ខណៈដែលទីផ្សារហ្គេម portable console កើនឡើង។ ស៊េរី console ជំនាន់ក្រោយរបស់ Microsoft ត្រូវបានគេរំពឹងថានឹងរួមបញ្ចូលឧបករណ៍ console ថ្មីនេះ ជាអ្នកស្នងតំណែងរបស់ Xbox Series S ។
Xbox console មួយនេះត្រូវបានផ្សព្វផ្សាយ ដោយនាយកប្រតិបត្តិ Xbox លោក Phil Spencer ដែលលោកបានបង្ហាញចំណាប់អារម្មណ៍ទាក់ទងនឹងរឿងនេះ ។ លោក Jez Corden របស់ Windows Central ដែលបានណែនាំអំពីគម្រោងផលិត សម្រាប់ក្រុមហ៊ុន ក្នុងខែឧសភា ឆ្នាំ 2024 ។ console Xbox នាពេលខាងមុខក៏អាចមានមុខងាររួមបញ្ចូល AI ផងដែរ ដូចជាជំនួយពីរ AI Copilot របស់ Microsoft ជាដើម។ មិនដូច Sony ដែលផ្តោតតែលើ PS5 Pro នោះទេ ក្រុមហ៊ុន Microsoft អាចនឹងជៀសវាងការអាប់ដេតកម្រិតមធ្យម ហើយផ្ទុយទៅវិញក្រុមហ៊ុនផ្តោតទៅលើ consoleជំនាន់ក្រោយដែលគ្រោងនឹងចាប់ផ្តើមនៅឆ្នាំ 2028 ដោយដាក់ពួកវាជាដៃគូប្រកួតប្រជែងដ៏ធំនៅក្នុង portable console ។
ប្រភព : ceotech.it