Huawei Mate 70 នឹងមកដល់ក្នុងពេលឆាប់ៗនេះ ជាមួយនឹងអេក្រង់កោង កាមេរ៉ាកម្រិតខ្ពស់ បន្ទះឈីប 5nm ត្រៀមខ្លួនរួចជាស្រេចក្នុងការប្រជែងក្នុងទីផ្សារ ។
ខណៈពេលដែលមនុស្សជាច្រើនកំពុងផ្តោតទៅលើស្មាតហ្វូនបត់បានបីតង់ Mate XT ពេលនេះក្រុមហ៊ុន Huawei ក៏មានព័ត៌មានធំមួយទៀតដែលនឹងមកដល់ក្នុងឆ្នាំនេះគឺស៊េរី Mate 70 ។ បន្ទាប់ពីការបង្ហាញខ្លួននៃស៊េរី Pura 70 ថ្មីនៅដើមឆ្នាំ ឥឡូវនេះ Huawei កំពុងតែត្រៀមខ្លួនប្រជែងក្នុងទីផ្សារជាមួយនឹង Huawei Mate 70 ដែលរំពឹងទុកថានឹងចេញឆាប់ៗនេះ
កាលពីឆ្នាំមុន ស៊េរី Mate 60 បានធ្វើឱ្យមានការភ្ញាក់ផ្អើលជាមួយនឹង ប្រព័ន្ធដំណើរការ 7nm Kirin 9000s ដែលកត់សម្គាល់ថា វាជាការវិលត្រឡប់របស់ក្រុមហ៊ុនHuawei ទៅកាន់ទីផ្សារ 5G ទោះបីជាមានការរឹតបន្តឹងពីសហរដ្ឋអាមេរិកក៏ដោយ។
ព័ត៌មានលេចធ្លាយអំពីស្មាតហ្វូនស៊េរីថ្មី Huawei Mate 70 ។ យោងតាម Digital Chat Station ស្មាតហ្វូននេះនឹងមានអេក្រង់កោងបួនជ្រុងដែលធំជាងស៊េរី Pura 70 ។ ហើយវាក៏អាចសម្គាល់ផ្ទៃមុខ 3D កម្រិតខ្ពស់ ដែលផ្តល់សុវត្ថិភាពស្រដៀងទៅនឹង Face ID របស់ក្រុមហ៊ុន Apple ផងដែរ ។ ហើយម្យ៉ាងវិញទៀត Huawei ប្រហែលអាចផ្លាស់ប្តូរប្រព័ន្ធស្កែនម្រាមដៃពីអេក្រង់ទៅប៊ូតុងថាមពលវិញ។
នៅផ្នែកខាងខ្នងនៃ Huawei Mate 70 ប្រហែលជាអាចនឹងធ្វើពីស្បែកវិញ ដែលវាស្រដៀងទៅនឹងអ្វីដែលបានឃើញនៅលើ Mate XT ។
ហើយចំពោះប្រព័ន្ធកាមេរ៉ាគោលរបស់វា មានទំហំ 50MP, ទំហំ 50MP ultra-wide និង periscope telephoto lens។ Mate 70 ក៏មានពាក្យចចាមអារ៉ាមថានឹងបង្ហាញប្រព័ន្ធរូបភាព XMAGE ថ្មីដែលត្រូវបានបង្កើតឡើងដោយក្រុមហ៊ុន Huawei ។ បើនិយាយពីដំណើរការវិញ ស្មាតហ្វូន Huawei Mate 70 series អាចបំពាក់នូវprocessor ថ្មីដែលបង្កើតឡើងដោយ SMIC ។ ប្រសិនបើពាក្យចចាមអារ៉ាមនេះជាការពិត ក្រុមហ៊ុន Huawei និង SMIC ប្រហែលជាបានគ្រប់គ្រងការផលិតបន្ទះឈីប 5nm នេះជារបស់ខ្លួន ។
គួរបញ្ជាក់ផងដែលថា ចំពោះការចេញលក់ជាផ្លូវការនៃស៊េរី Mate 70 គ្រោងនឹងធ្វើឡើងនៅខែវិច្ឆិកា ជាមួយនឹងមុខងារថ្មីៗទាំងអស់នេះ។ ក្រុមហ៊ុន Huawei មានគោលបំណងចង់ធ្វើឲ្យស្មាតហ្វូនមួយនេះ
ផ្ទុះការចាប់អារម្មណ៍ខ្លាំងនៅលើទីផ្សារអត្តរជាតិផងដែរ ។
ប្រភព : ceotech.it