ថ្មីៗនេះមានការលេចធ្លាយទាក់ទងនឹង Huawei Nova 13 series ដែលពាក្យចចាមអារ៉ាមថាវានឹងបញ្ចប់នៅពាក់កណ្តាលខែតុលាឆ្នាំនេះ។ ត្រកូលស្មាតហ្វូនលំដាប់ខ្ពស់មួយនេះ ធ្វើឲ្យមានការរង់ចាំយូរមកហើយតែពេលនេះ Nova 13 series នេះហាក់បានត្រៀមខ្លួនរួចរាល់ហើយដើម្បីឈានចូលទៅក្នុងទីផ្សារ។
Nova 13 ស៊េរី ត្រូវបានគេនិយាយថានឹងនាំមកនូវការផ្លាស់ប្តូរការរចនាគួរឱ្យកត់សម្គាល់ជាងម៉ូដែលជំនាន់មុន។ វាអាចបង្ហាញពីការរចនាកាមេរ៉ាថ្មី និងជម្រើសពណ៌ជាច្រើន ។ ចំនុចសំខាន់នៃត្រកូលនេះគឺសមត្ថភាពបណ្តាញ 5G ។
ការលេចធ្លាយមួយនេះបានលើកឡើងថា ក្រុមហ៊ុន Huawei នឹងដាក់ Kirin 9010 5G លើស្មាតហ្វូនស៊េរី Nova 13 ទាំងអស់។ បន្ទះឈីបនេះបានបង្ហាញខ្លួនជាលើកដំបូងជាមួយនឹង Pura 70 Ultra ហើយពួកគេអះអាងថានឹងផ្តល់នូវការបង្កើនប្រសិទ្ធភាព និងដំណើរការប្រសើរជាងប្រព័ន្ធដំណើរការ Kirin 9000s ។
គួរឲ្យដឹងដែលថា ក្រុមហ៊ុន Huawei មិនទាន់បានបញ្ជាក់ពីកាលបរិច្ឆេទចេញលក់ស៊េរី Nova 13 ច្បាស់លាស់នោះមកទល់ពេលនេះទេ ។
ប្រភព :huaweicentral