លែងរង់ចាំយូរទៀតហើយសម្រាប់ប្រជាជនដែលមកលេងកម្សាន្តនៅShenzhen Central Park ដែលចង់ធ្វើការបញ្ជាទិញអាហារគឺអាចទទួលយកអាហារបានយ៉ាងលឿនជាមួយនឹង ការដឹងជញ្ជូនដោយ Drone។
ថ្មីនេះក្រុមហ៊ុន Meituan បានបច្ចេញ Drone ដែលអាចដឹកជញ្ជូនអាហារបានយ៉ាងលឿនទៅដល់អតិថិជន ដែលបានដើរលេងនៅក្នុងនៅសួនកម្សាន្ត Shenzhen Central Park ក្នុងសង្កាត់ Futian ដែលវាជាភាពងាយស្រួលដល់ប្រជាជនដែលមកលេងកំម្សាន្តនៅក្នុងសួននេះហើយ ដែលចង់បញ្ជាទិញអាហារជាដើម វាក៏ជាការបើកដំណើរការដំបូងគេបំផុតសម្រាប់ការដឹកជញ្ជូននេះ ដែលអនុវឌ្ឍន៍នៅក្នុងសួនកម្សាន្ត Shenzhen Central Park ។
អតិថិជនក៏អាចនិងធ្វើការបញ្ជាទិញអាហារមុនបាន ហើយសេវាកម្មដឹកជញ្ជូននេះដែលវាមាន ចម្ងាយពីរគីឡូម៉ែត្រពីផ្សារទំនើប UpperHills ដែលអាចដឹងមកដល់ សួនកម្សាន្ត Shenzhen Central Park ក្នុងរយៈពេលត្រឹមតែ 10 នាទីប៉ុណ្ណោះ។ពីមុនអតិជនមានការប្រឈមមុខក្នុងការទទួលយកអាហារ ដែលពេលខ្លះអាចពន្យាពេលក្នុងការដឹកជញ្ជូនមានការយឺតយ៉ាវ ហើយក៏ពិបាកសម្រាប់ទីតាំងទទួលយកផងដែរ។
តែទោះជាយ៉ាងណាក៏ដោយ ការណែនាំនៃការដឹកជញ្ជូនតាម Drone បានបើកដំណើរការហើយ។ ឥឡូវនេះ អតិថិជនគ្រាន់តែត្រូវធ្វើដំណើរទៅកាន់ទីតាំងដែលបានកំណត់នៅក្នុង Shenzhen Central Park ដើម្បីទទួលយកការទំនិញឬអាហារ របស់ពួកគេ។
យោងតាមអាជ្ញាធរនៅទីក្រុងនេះថា សេវាកម្មដឹកជញ្ជូនតាម Drone នេះពង្រីកឲ្យច្រើនទៅកាន់ឧទ្យាន ដែលវាជាតម្រូវការរបស់អតិថិជន និងបង្កើនការពេញចិត្តរបស់
អតិថិជនផងដែរ។
ភាពជោគជ័យនៃការដឹកជញ្ជូនដោយ Drone នេះគឺមិនមែនដាក់ដំណើរការត្រឹមតែ Shenzhen Central Park នេះទេ ដោយក្រុមហ៊ុន Meituan ដែលជាក្រុមហ៊ុនអ៊ីនធឺណិតយក្សនៅពីក្រោយគំនិតផ្តួចផ្តើមមួយនេះ បានបើកដំណើរការផ្លូវដឹកជញ្ជូន Drone ចំនួន 28 នៅទូទាំងរង្វង់ផ្សារទំនើបចំនួន 11 ទូទាំងប្រទេសចិន រួមទាំងទីក្រុង Shenzhen និង Shanghai ទៀតផង ។
ហើយវាក៏ឈានទៅដល់ការដឹកជញ្ជូនទៅកាន់ទីតាំងផ្សេងៗមួយចំនួនទៀតដូចជា អគារ ការិយាល័យ កន្លែងទេសចរណ៍ សួនសាធារណៈ មន្ទីរពេទ្យ និងបរិវេណសាកលវិទ្យាល័យ ។
ក្រុមហ៊ុន Meituan ក៏បានដាក់ឱ្យដំណើរការជាផ្លូវការនូវផ្លូវដឹកជញ្ជូនដោយ Drone ដំបូងរបស់ខ្លួននៅសាកលវិទ្យាល័យ Tsinghua University Shenzhen International Graduate School រួចមកហើយកាលពីខែធ្នូកន្លងទៅ ។
ជារួមមក វាជារឿងមួយដែលល្អស្រាប់ការបង្កើតបច្ចេកវិទ្យាដឹងជញ្ជូនដោយគ្មានមនុស្សបើកបរ គឺវាចំនេញទាំងពេលពេលវេលា ហើយមានសុវត្ថិភាពក្នុងការធ្វើដំណើរ តាមផ្លូវផងដែរ ។
ប្រភព :Shenzhen Government Online