ទីបំផុត Apple បានដាក់បង្ហាញ iPad mini 7 ថ្មីរបស់ខ្លួន ពេលនេះយើងមកដឹងខ្លះអ្វីដែលមាននៅលើ iPad mini ជំនាន់ថ្មី។
ចំនុចសំខាន់នៃ iPad mini 7 ថ្មីគឺ បំពាក់ដោយបន្ទះឈីប A17 Pro នឹងគាំទ្រមុខងារ Apple Intelligence ដោយថេប្លេតនេះមាន អេក្រង់ ទំហំ 8.3 អ៊ីញ នឹងកម្រិតភាពច្បាស់របស់វា 2266 x 1488 ជាមួយពន្លឺ 500 nits និងកម្រិត 326 ppi ។ តែវានៅតែរក្សាអត្រាធ្វើឱ្យស្រស់ 60 Hz ដូចនៅក្នុងម៉ូដែលមុនដដែល។សម្រាប់អ្នករង់ចាំដែលថាApple នឹងបំពាក់មុខងារអេក្រង់ឲ្យលើស 60 Hz នេះអាចនឹងខក់ចិត្តបន្តិច។
ទោះយ៉ាងណាក៏ដោយ សម្រាប់Ipadដែលមានទំហំប៉ុណ្ណឹង គុណភាពក៏បង្ហាញនៅតែល្អណាស់។ វាបំពាក់កាមេរ៉ាខាងក្រោយទំហំ 12MP គាំទ្រ Smart HDR 4 និងកាមេរ៉ាខាងមុខទំហំ 12MP ដូចគ្នា
ដោយភ្ជាប់មកជាមួយជម្រើស 5G, Wi-Fi 6 និងរន្ធ USB-C 3 សម្រាប់ផ្ទេរទិន្នន័យរហូតដល់ 10Gbps ។
iPad mini 7 វាបានបន្ថែមជាមួយទំហំផ្ទុកនិង RAM ដោយ មានអង្គចងចាំទំហំ 128GB និង 512GB ដែលវាជា iPad mini វាក៏គាំទ្រសម្រាប់ Apple Pencil Pro ផងដែរ។
ហើយសម្រាប់តម្លៃរបស់វាពេលនេះអាចមានចន្លោះ 500 ដុល្លារជាង។
ប្រភព : ceotech