ក្រុមហ៊ុន Qualcomm កំពុងរៀបចំដាក់ឱ្យដំណើរការនូវ បន្ទះឈីប 3nm របស់ខ្លួន គឺ Snapdragon 8 Elite ។ ការប៉ាន់ប្រមាណចុងក្រោយបង្អស់បានបង្ហាញថា ជាមួយនឹងការចេញលក់ Snapdragon 8 Elite ក្រុមហ៊ុន Qualcomm អាចរកចំណូលបាន 1.62 ពាន់លានដុល្លារ នៅចុង ត្រីមាសទី 4 ឆ្នាំ 2024 ។
លទ្ធផលនេះអាចនឹងកើតឡើងយ៉ាងច្រើនចំពោះការកើនឡើងនៃការនាំចេញដែលបានរំពឹងទុក និងការកើនឡើងនៃតម្លៃលក់ជាមធ្យមនៃបន្ទះឈីបរបស់ខ្លួន។ យោងតាមអ្នកវិភាគ Ming-Chi Kuo ក្រុមហ៊ុន Qualcomm ត្រូវបានគេរំពឹងថានឹងនាំចេញច្រើនជាង 9 លាន គ្រឿងនៃ Snapdragon 8 Elite នៅចុងត្រីមាសដែលជាបរិមាណ ខ្ពស់ ជាង Snapdragon 8 Gen 3 ចំនួន 50% ក្នុងអំឡុងពេលដូចគ្នានេះ។
តម្លៃរបស់ Snapdragon 8 Elite នីមួយៗ នឹងមានប្រហែល $180 ក្នុងមួយឯកតា កើនឡើង 15% បើធៀបទៅនឹងជំនាន់មុនរបស់វា។ ការកើនឡើងនៃតម្លៃលក់នេះវាអាចជាការបំបែកកំណត់ត្រាក្រុមហ៊ុនក្នុងការលក់បន្ទះឈីបនេះ។
ទោះជាយ៉ាងណាក៏ដោយ ពាក្យចចាមអារ៉ាមពីមុនបានលើកឡើងថា តម្លៃនៃ SoC ថ្មីអាចឡើងដល់ 240 ដុល្លារ ដែលនឹងនាំឱ្យមានការកើនឡើងកាន់តែច្រើន។ក្រឡេកមកមើលក្រុមហ៊ុនយក្សរបស់កូរ៉េខាងត្បូងបានជួបការលំបាកជាមួយនឹង ដំណើរការ 3nm GAA របស់ខ្លួន ដែលបណ្តាលឱ្យមានបញ្ហាក្នុងការផលិត និងការពន្យារពេលជាមួយនឹង Exynos 2500 របស់ខ្លួន ។ ដោយសារតែភាពច្របូកច្របល់ទាំងនេះ Samsung ប្រហែលជាគ្មានជម្រើសអ្វីក្រៅពីប្រើ Snapdragon លើគ្រប់ម៉ូឌែលទាំងអស់នៃ Galaxy S25 ដែលនឹងចេញនាពេលខាងមុខ ដោយទុកទីផ្សារ Galaxy កម្រិតខ្ពស់ទាំងមូលទៅ Qualcomm ។
ផ្ទុយមកវិញ Qualcomm ក៏ត្រូវប្រកួតប្រជែងជាមួយក្រុមហ៊ុនផ្សេងទៀតនៅលើទីផ្សារ ដូចជា Dimensity 9400 ថ្មីរបស់ MediaTekដែលនឹងលក់ក្នុងតម្លៃ 155 ដុល្លារក្នុងមួយឯកតា តែទោះយ៉ាងណាក៏ដោយសម្រាប់ Snapdragon 8 Elite គឺមានតម្លៃខ្ពស់ជាងជាមួយនឹងការផ្តល់នូវថាមពលកាន់តែខ្លាំង ដូច្នេះប្រហែលវាមិនមែនជាបញ្ហាធំនោះទេសម្រាប់ Qualcomm ក្នុងការប្រកួតប្រជែង។
ប្រភព : ceotech