នៅក្នុង សន្និសីទរបស់ OPPO ក្នុងឆ្នាំ 2024 ក្រុមហ៊ុនក៏នឹងណែនាំនូវ ColorOS 15 ដោយផ្អែកលើ Android 15 ដែលត្រូវបានរចនាឡើងជាពិសេសសម្រាប់ទីផ្សារប្រទេសចិន។ ការអាប់ដេតនេះផ្តោតលើការកែលម្អដើម្បីជាភាពងាយស្រួលនៃការប្រើប្រាស់។
ColorOS 15 ណែនាំការរចនាថ្មីដែលត្រូវបានគេនិយាយថា មានពន្លឺខ្លាំង និង ល្អប្រសើរជាងមុន។ ការអាប់ដេតនេះគេបានសង្កត់ធ្ងន់ទៅលើ ពន្លឺបែបធម្មជាតិ និងមានដូចជាស្រមោលខ្មៅៗ ដែលមើលទៅវាបង្កើនអារម្មណ៍ល្អក្នុងការប្រើប្រាស់។ OPPO បានធ្វើការកែលម្អយ៉ាងសំខាន់ចំពោះដំណើរការប្រព័ន្ធជាមួយនឹង Lightning Engine ថ្មី
សម្រាប់ការលេងហ្គេមវិញ ColorOS 15 គឺវាអាចទទួលបានការលេងពេញអេក្រង់រហូតដល់116.7 FPS ។ នេះវាបង្ហាញថាចំពោះការលេងហ្គេម ក៏ដូចជាការមើលវីដេអូគឹវាទទួល
បាននូវភាពរលូន។ ហើយចំពោះមុខងារលេចធ្លោមួយនៅក្នុង ColorOS 15 គឺ Snap-and-Ask ដែលអនុញ្ញាតឱ្យអ្នកប្រើប្រាស់ថតរូបជាវត្ថុ ឬទេសភាព គឺវានឹងអាចស្វែងរកព័ត៌ទាក់ទងនឹងអ្វីដែលយើងបានថត នឹងមិនចាំបាច់ស្វែងរកម្តងទៀតនោះទេ។
ការអាប់ដេតនេះក៏រួមបញ្ចូលមុខងារ AI ជាច្រើនផងដែរ។ Virtual avatars អាចជួយកិច្ចការនានាដូចជាការរៀនភាសា និងការនិទានរឿងជាដើម ខណៈដែលឧបករណ៍បង្កើនរូបភាព AI អាចជួយកែលម្អគុណភាពរូបថតពីរូបមិនច្បាស់មកជាច្បាស់។មុខងារ AI Voice Summary ក៏អាចចាប់យក និងសង្ខេបចំណុចសំខាន់ៗពីការប្រជុំ ឬឯកសារអ្វីមួយ ដែលវាជាការងាយស្រួល។
ការអាប់ដេតនេះ OPPO វាអាចផ្ទេរឯកសារទៅកាន់ស្មាតហ្វូនផ្សេងដូចជា iPhones ដោយវាផ្ទេរ រូបថត ឬ វីដេអូ បានយ៉ាងលឿន។ ColorOS 15 ក៏មានមុខងារលុប SMS លេខ ទូស័ព្ទជាដើមដែលផុតកំណត់ គឺវាអាចលុបបានដោយស្វ័យប្រវត្តិផងដែរ។
ColorOS 15 នឹងដាក់ឱ្យដំណើរការនៅក្នុងប្រទេសចិនក្នុងខែវិច្ឆិកានេះតែម្តង។
ប្រភព : gizmochina