ក្រុមហ៊ុន OnePlus កំពុងរៀបចំដាក់ឱ្យដំណើរការ OxygenOS 15 ដែលជាការអាប់ដេតថ្មីរបស់ខ្លួនដោយផ្អែកលើ ប្រព័ន្ធប្រតិបត្តិការ Android 15 នៅ ថ្ងៃទី 24 ខែតុលា ឆ្នាំ 2024 ។ ខណៈពេលដែលម៉ាកផ្សេងទៀតដូចជា Samsung បានបញ្ជាក់ថាការអាប់ដេតរបស់ពួកគេផ្អែកលើប្រព័ន្ធប្រតិបត្តិការ Android 15 នឹងមកដល់នៅឆ្នាំក្រោយ។
យោងតាមពាក្យចចាមអារ៉ាមដំបូង បច្ចេកវិទ្យាថ្មីទាំងនេះនឹងផ្តោតលើ ផលិតភាព និង ភាពច្នៃប្រឌិត ដែលជាផ្នែកដែល OnePlus ចង់ធ្វើឱ្យមានភាពខុសប្លែកគ្នាបើធៀបនឹងដៃគូប្រកួតប្រជែងរបស់ខ្លួន។
តាមពត៌មានបានចុះផ្សាយ OxygenOS 15 នឹងមានម៉ូដែលស្មាតហ្វូនដូចជា OnePlus 12 , OnePlus 11 និង OnePlus Open ដែលទំនងជា ស្ថិតក្នុងចំណោមស្មាតហ្វូនដំបូងដែលទទួលបានអត្ថប្រយោជន៍ពីការអាប់ដេតមួយនេះ។
តែទោះយ៉ាងណាយើងនឹងរង់ចាំមើល ការបញ្ជាក់ច្បាស់លាស់ នៅព្រឹត្តិការណ៍ ថ្ងៃទី 24 ខែតុលាខាងមុខនេះ។
ប្រភព : ceotech