Ace Pro 2 ថតបានកម្រិត 8K, និងAI កម្រិតខ្ពស់ ជាមួយការរចនាដ៏រឹងមាំ វាល្អឥតខ្ចោះសម្រាប់ការថតបែបផ្សងព្រេង និងការបង្កើតវីដេអូផ្សេងៗបានយ៉ាងល្អ។Insta360 បានដាក់បង្ហាញ Ace Pro 2 ថ្មី ដែលជាការវិវត្តន៍នៃ Ace Pro ដែលនាំមកនូវភាពប្រសើរឡើងទាំងដំណើរការ និងមុខងាររបស់វា។លក្ខណៈពិសេសរបស់វាទាក់ទងនឹងសមត្ថភាពក្នុងការថតវីដអូ កម្រិត 8K ក្នុងល្បឿនរហូតដល់ 30 fps ។ អ្នកដែលចូលចិត្តថតក្នុង កម្រិត 4K អាចពឹងផ្អែកលើមុខងារដូចជា Active HDR រហូតដល់ 60 fps និង ចលនាយឺត 120 fps ឬរហូតដល់ 240 fps ក្នុង 1080p។
ភាពបត់បែននៃ Ace Pro 2 វាអាចនិយាយបានថាជាជម្រើសល្អសម្រាប់អ្នកដែលចង់ថតយកគ្រប់ពេលគ្រប់កាលៈទេសៈនោះ។ ការអនុវត្ត ពន្លឺទាប គឺជាចំណុចខ្លាំងមួយទៀតរបស់វា ជាមួយ ApertureF2.6 ដោយវាបំពាក់បច្ចេកវិទ្យា PureVideo ដែលកាត់បន្ថយសំលេងរំខាន និងធានាបាននូវការថតវីដេអូដ៏ល្អឥតខ្ចោះ។
Artificial intelligence ឬ បញ្ញាសិប្បនិម្មិត ដើរតួនាទីយ៉ាងសំខាន់ក្នុងការកែលម្អគុណភាពរូបភាព និងដំណើរការកាមេរ៉ាទាំងមូល។ បន្ទះ ឈីប AI ពីរ ដែលវាធ្វើឲ្យយើងគ្រប់គ្រងការថតវីដេអូបានយ៉ាងរលូនសូម្បីតែក្នុងកម្រិត 8K ដោយរក្សាបាននូវ ស្ថេរភាពឥតខ្ចោះ ដោយសារបច្ចេកវិទ្យា FlowState និង 6-axis gyroscope ។
លើសពីនេះ មុខងារ 360º Horizon Lock ធានានូវវីដេអូដែលមានស្ថេរភាព ទោះបីជាស្ថិតក្នុងអំឡុងពេលដែលមានចលនាខ្លាំងបំផុតក៏ដោយ។ សម្រាប់កាមេរ៉ាថតវីដេអូនេះមិនត្រឹមតែមានកម្លាំងខ្លាំងប៉ុណ្ណោះទេ ប៉ុន្តែវាក៏មានភាពធន់ផងដែរ។ Insta360 Ace Pro 2 មិនជ្រាបទឹកដល់ 12 ម៉ែត្រ ហើយអាចទប់ទល់នឹងសីតុណ្ហភាពខ្លាំងរហូតដល់ -20 ° C និងមានកញ្ចក់ការពារដែលអាចដោះចេញបាន។ វាក៏អាចកាត់បន្ថយខ្យល់នៅពេលដែលយើងថតវីដេអូឌែលជួយឲ្យវាគ្រប់គ្រងសំឡេងបានល្អ ទោះបីជាស្ថិនក្នុងស្ថានភាពដែលមានខ្យល់ខ្លាំង។
ការរចនាតូច ទម្ងន់ត្រឹមតែ 177.2 ក្រាម ធ្វើឱ្យវាងាយស្រួលក្នុងការយកតាមខ្លួន។ សម្រាប់ ការតភ្ជាប់ Ace Pro 2 គាំទ្រ 5GHz Wi-Fi , Bluetooth BLE 5.2 និងមាន រន្ធ USB-C 3.0 សម្រាប់ផ្ទេរទិន្នន័យលឿន។ វាដំណើរការលើទាំង iOS និង Android ហើយផ្តល់នូវទំហំផ្ទុកច្រើន ជាមួយនឹងកាត microSD រហូតដល់ 1TB ។ ហើយសម្រាប់ថាមពល ថ្ម 1800 mAh ជាមួយនឹងការថតជាប់បាន 3 ម៉ោងជាង ជាមួយនឹងការបញ្ចូលថ្មបាន 80% ក្នុងរយៈពេលត្រឹមតែ 18 នាទីប៉ុណ្ណោះ ។
ប្រភព : ceotech