DJI ដែលគេស្គាល់ថាជាក្រុមហ៊ុនផលិតដ្រូនដ៏ពេញនិយមនោះ ពេលនេះពួកគេកំពុងរៀបចំដាក់ឱ្យដំណើរការមីក្រូហ្វូនឥតខ្សែខ្នាតតូចថ្មីមួយ។
ថ្មីៗនេះត្រូវបានគេរាយការណ៍អំពីឈ្មោះ DJI Mic Mini ដែលវាមានរូបរាងស្អាត នឹងមានពណ៌ស និងខ្មៅរលោងផងដែរ។
Mic Mini នឹងមានការរចនាមកឲ្យមើលទៅងាយស្រួលក្នុងការ ភ្ជាប់ជាមួយសម្លៀកបំពាក់ ឬឧបករណ៍កាមេរ៉ាជាដើម ដើម្បីចាប់យកសំឡេងបានល្អ។
អ្វីដែលយើងអាចមើលឃើញបាននៅលើ Mic Mini នេះគឺវាមានភាពសាមញ្ញ ដោយគ្រាន់តែមានប៊ូតុងពីរ គឺប៊ូតុងថាមពលមួយនិងប៊ូតុងរភ្ជាប់ទៅឧបករណ៍មួយនិងមានបន្លឺជាចំណុចចំណាំមួយប៉ុណ្ណោះ។
ហើយបើយោងតាមការលេចធ្លាយសម្រាប់ Mic Mini អាចនឹងមានតម្លៃប្រហែល $45 USD ដែលធ្វើឱ្យវាជាជម្រើសថោកជាងមីក្រូហ្វូនផ្សេងទៀតរបស់ DJI ។ ទោះជាយ៉ាងណាក៏ដោយ ព័ត៌មានលម្អិតទាក់ទងនឹងអាយុកាលថ្ម និងមុខងារពេញលេញរបស់ Mic Mini នៅមិនទាន់ដឹងច្បាស់នៅឡើយនោះទេ។ តែវាក៏ត្រូវបានគេរំពឹងថាបន្ទាប់ពីការបែកធ្លាយនេះ ការប្រកាសជាផ្លូវការពី DJI អាចនឹងកើតមានក្នុងពេលឆាប់ៗនេះ។
ប្រភព : gizmochina