ក្រុមហ៊ុន Apple ត្រូវបានគេរំពឹងថានឹងបង្ហាញនូវបន្ទះឈីប M5 ដែលត្រូវបានអាប់ដេតសម្រាប់ម៉ូដែលរបស់ Vision Pro នៅពេលខាងមុខ ដែលវាអាច បង្កើនប្រសិទ្ធភាពថាមពល និងសមត្ថភាព ការលេងហ្គេម និងកិច្ចការច្រើនទៀត។ ។
Apple គ្រោងនឹងបញ្ចេញ Vision Pro ដែលត្រូវបានអាប់ដេតនៅឆ្នាំ 2025 នេះបើយោងតាមអ្នកវិភាគ Ming-Chi Kuo ។ ម៉ូដែលថ្មីនេះត្រូវបានគេរំពឹងថានឹងបំពាក់នូវបន្ទះឈីប M5 ដែលមិនទាន់ត្រូវបានប្រកាស ដែលជាការអាប់ដេតពីបន្ទះឈីប M2 របស់ Vision Pro បច្ចុប្បន្ន ដែលបានបង្ហាញខ្លួននៅឆ្នាំ 2022។ ការអាប់ដេតនេះមានគោលបំណងពង្រឹងសមត្ថភាព និងសមត្ថភាពរបស់ Vision Pro ឱ្យកាន់តែប្រសើរឡើង។
Vision Pro របស់ Apple បច្ចុប្បន្នមានតម្លៃ 3,499 ដុល្លារ ដែលវាមានតម្លៃថ្លៃ។ ដូច្នេះ Apple បានពន្យារពេលធ្វើកំណែ Vision Pro នេះមានតម្លៃសមរម្យជាងនេះ រហូតដល់ក្រោយឆ្នាំ 2027។ ក្រុមហ៊ុន Apple កំពុងស្វែងរកគំនិតនៃការអភិវឌ្ឍន៍វ៉ែនតាឆ្លាតវៃដែលនឹងភ្ជាប់ទៅកាន់ iPhone ដែល Mark Gurman កត់សម្គាល់ថាអាចផ្តល់នូវជម្រើសដែលអាចឲ្យអ្នកប្រើ ចូលប្រើបានច្រើនជាង Vision Pro ។
វ៉ែនតាឆ្លាតវៃនេះនឹងតភ្ជាប់ជាមួយiPhone ដែលវាអាចមើលបានប្រព័ន្ធផ្សព្វផ្សាយផ្សេងៗ សម្រាប់ការមើលភាពយន្ត និងមាតិកាផ្សេងទៀតផងដែរ។ ដូច្នេះយើងមើលឃើញថា Apple ហាក់បីដូចជាចង់ពង្រីកការផ្តល់ជូនរបស់ខ្លួននៅក្នុងវិស័យ augmented reality ជាមួយនឹងឧបករណ៍ពាក់នឹងភ្នែករបស់ខ្លួន។
នឹងការអាប់ដេតនៃ Vision Pro ដែលកំពុងដំណើរការ ហើយ Apple ក៏នឹងធ្វើឲ្យ Vision Pro នេះមានតម្លៃសមរម្យជាងនេះទៅទៀតនាពេលអនាគត រួមជាមួយនឹងការភ្ជាប់ជាមួយ iPhone ដោយឲ្យអ្នកប្រើប្រាស់ ប្រើបានកាន់តែទូលំទូលាយ ដោយព្យាយាមធ្វើឱ្យបច្ចេកវិទ្យាជំនាន់ចុងក្រោយបំផុតអាចចូលប្រើប្រាស់បានកាន់តែច្រើន។
ប្រភព : ceotech