Gove គឺជាយានជំនិះដែលបង្កើតដោយក្រុមហ៊ុន Guangzhou Automobile Group ដែលអាចបើកបរទាំងនៅដងលើផ្លូវ និងហោះហើរបានផងដែរ ដោយផ្តល់នូវជម្រើសដឹកជញ្ជូនដែលអាចបត់បែនបានយ៉ាងទំនើប។ ប៉ុន្តែវាអាចដាក់អ្នកដំណើរបានតែម្នាក់ប៉ុណ្ណោះ ដែលវាអាចហោះដោយស្វ័យប្រវត្តិ ឬអាចធ្វើការបញ្ជាពីចម្ងាយដោយ The Gove បានរចនាឡើងនឹងដំណើរការក្នុងទីក្រុងជាពីសេស។
មិនតែប៉ុណ្ណោះ យានជំនិះគឺវាមានផ្នែកសំខាន់ពីរដាច់ដោយឡែកពីគ្នា គឺជើងហោះហើរ និង តួរខ្លួនដែលបើកបរលើផ្លូវ ដែលវាអាចភ្ជាប់គ្នាដោយមានប្រសិទ្ធភាព។
នៅក្នុងវីដេអូ CGI មួយបានបង្ហាញពីការបើកបរនិងហោះហើររបស់ Gove ដោយបង្ហាញពីរបៀបដែលជើងហោះហើររបស់វាអាចលើកខ្លួនចេញពីតួដែលផ្លាស់ទីដោយផ្ទាល់ ហើយតួរបស់វាឱ្យបើកបរដោយខ្លួនឯងទៅកាន់ស្ថានីយសាកថ្មដោយស្វ័យប្រវត្តិតែម្តង។ នេះបង្ហាញពីការយកចិត្តទុកដាក់របស់ GAC ទៅលើការផ្លាស់ប្តូរ រវាងការធ្វើដំណើរតាមផ្លូវគោក និងផ្លូវអាកាស ដែលធ្វើឱ្យយានជំនិះអាចធ្វើការចល័តក្នុងទីក្រុងដែលអាចបត់បែនបាន។
យន្តហោះ Gove ត្រូវបានរចនាឡើងដោយវាអាចហោះហើរបានចម្ងាយរហូតដល់ 200 គីឡូម៉ែត្រ (124 ម៉ាយ) ហើយត្រូវបានបំពាក់ដោយម៉ាស៊ីន 12 និងម៉ូទ័រអេឡិចត្រិច ជាមួយនឹងថ្មផ្តល់ថាមពលរបស់វា។ ក្រុមហ៊ុន Guangzhou Automobile Group ក៏គ្រោងនឹងបង្កើតស្ថានីយ៍សាកថ្ម ជាចម្បងគ្រប់កន្លែងនៅក្នុងទីក្រុង និងតំបន់ជនបទជាដើម ដែលនឹងត្រូវបានបំពាក់ដោយថាមពលពន្លឺព្រះអាទិត្យ។ ស្ថានីយ៍ទាំងនេះនឹងអាចឱ្យជើងហោះហើរបញ្ចូលថាមពលឡើងវិញ និងភ្ជាប់ជាមួយនឹងតួផ្សេងគ្នាបាននៅឯគោលដៅរបស់វាដែលបានកំណត់ ហើយម្យ៉ាងវិញទៀតប្រសិនបើកន្លែងស្ថានីយសាកថ្មពេញពេក ជាមួយនឹងតួមិនអាចចូលសាកបាន នោះវាអាចត្រូវបានជំរុញដោយស្វ័យទៅកាន់ស្ថានីយផ្សេងទៀតដើម្បីបញ្ចូលថ្ម។
Gove បានធ្វើការហោះហើរលើកដំបូងរបស់ខ្លួនក្នុងអំឡុងពេលព្រឹត្តិការណ៍ Tech Day ឆ្នាំ 2023 ជាមួយ ដែលបង្ហាញដោយគេហទំព័រព័ត៌មានរបស់ GAC Group ។ ទោះជាយ៉ាងណាក៏ដោយ ក្រុមហ៊ុនមិនបានបញ្ចេញព័ត៌មានលម្អិតជាក់លាក់អំពីជើងហោះហើរដំបូងខ្លួនឡើយ។
ប្រភព : guangzhou