ប្រទេសចិនបានប្រឈមមុខនឹងការដាក់ទណ្ឌកម្មពាណិជ្ជកម្មបន្ទាប់ពីការឡើងកាន់តំណែងរបស់លោក Donald Trump ជាប្រធានាធិបតីសហរដ្ឋអាមេរិកទី 47 ។ អាជ្ញាធរអាមេរិកបានបញ្ជាឱ្យ TSMC បញ្ឈប់ការនាំចេញនូវបន្ទះឈីប AI ទំហំ 7nm និងតូចជាងនេះទៅឱ្យក្រុមហ៊ុនចិន មិនតែប៉ុណ្ណោះសហរដ្ឋអាមេរិកក៏ហាមឃាត់ក្រុមហ៊ុន Samsung មិនឲ្យនាំចេញបន្ទះឈីបទៅកាន់ប្រទេសចិនដូចគ្នា។
ក្រុមហ៊ុនចិនដែលពឹងផ្អែកលើ TSMC សម្រាប់ការផ្គត់ផ្គង់ semiconductor ឥឡូវនេះកំពុងប្រឈមមុខនឹងស្ថានភាពដ៏លំបាក។
ក្រុមហ៊ុនចិនឥឡូវនេះនៅសល់តែ SMIC ដែលជាជម្រើសសម្រាប់ការផ្គត់ផ្គង់បន្ទះឈីប ចម្បងរបស់ពួកគេ។ SMIC កំពុងធ្វើការលើបន្ទះឈីប 7nm ប៉ុន្តែវាប្រើប្រាស់ឧបករណ៍ DUV ចាស់ៗប៉ុណ្ណោះ។
ការដាក់ទណ្ឌកម្មនេះអាចជំរុញឱ្យប្រទេសចិនក្លាយជាឯករាជ្យផ្នែកបច្ចេកវិទ្យាដោយការអភិវឌ្ឍឧស្សាហកម្មអេឡិចត្រូនិកផ្ទាល់ខ្លួន។ ខណៈពេលដែលអាមេរិកមិនចង់ឲ្យចិនពឹងផ្អែកលើក្រុមហ៊ុនដែលមានឥទ្ធិពលរបស់សហរដ្ឋអាមេរិកនោះឡើយ ហើយចិនអាចនឹងធ្វើឲ្យបានកាន់តែល្អនៃផលិតផលបច្ចេកវិទ្យារបស់ខ្លួនដើម្បីប្រកួនប្រជែងឲ្យកាន់តែច្រើន។
ប្រភព : ceotech