Huawei Mate 70 series រួមមាន Mate 70, Mate 70 Pro និង Mate 70 Pro+ បានដាក់ឲ្យធ្វើការកុម្ម៉ង់ទុកមុនបានមួយសប្តាហ៍មុនការចេញលក់ជាផ្លូវការនៅថ្ងៃទី 26 ខែវិច្ឆិកា នេះ ។ ត្រឹមរយៈពេល 10 ម៉ោងដំបូងជាងប៉ុណ្ណោះនៃការកម្ម៉ង់ទុកមុន ស៊េរី Huawei Mate 70 ទទួលបានការបញ្ជាទិញទុកមុនជាង 130,000 គ្រឿង ហើយគេក៏រំពឹងទុកទៀតថាចំនួននេះនឹងឈានដល់ការលក់ជាងរាប់លានគ្រឿងនៅពេលដាក់លក់ជាផ្លូវការ។
ស៊េរី Mate 70 របស់ Huawei នឹងរក្សាការរចនាជាមួយនឹងគែមរាងមូល នឹងកោង ដែវាលមិនដូចស្មាតហ្វូនថ្មីៗជាច្រើនដែលបានផ្លាស់ប្តូរទៅស៊ុមរាបស្មើនោះទេ។ លើសពីនេះ Mate 70 Pro អាចនឹងមានប្រព័ន្ធកាមេរ៉ាបី ដែលមួយក្នុងចំណោមនោះនឹងមានកញ្ចក់ periscope ។
Mate 70 និង Mate 70 Pro នឹងនាំមកជាមួយជម្រើសបួនពណ៌ដោយមានពណ៌ ខ្មៅ ស បៃតង និងស្វាយ ជាមួយនឹងរ៉េម 12 GB និងជម្រើសអង្គផ្ទុកទិន្នន័យ 256 GB, 512 GB ឬ 1 TB ។ ហើយសម្រាប់ Mate 70 Pro+ អាចនឹងមានពណ៌ ខ្មៅ ស មាស និងពណ៌ខៀវ។ ម៉ូដែល Pro+ នឹងមានលក្ខណៈពិសេសលើស 70, 70 Pro+ ដោយវានឹងទទួលបាននូវ RAM 16 GB និងជម្រើសអង្គផ្ទុកទិន្នន័យ 512 GB ឬ 1 TB។
ប្រភព : gsmarena