ក្រុមហ៊ុន Apple គ្រោងនឹងបង្ហាញ iPhone 17 Air នៅឆ្នាំក្រោយ ដែលត្រូវបានគេរំពឹងថា ជាការច្នៃប្រឌិតដ៏សំខាន់ ជាពិសេសទៅលើតួរខ្លួននឹងកម្រាស់របស់វា។ ម៉ូដែលថ្មីនេះនឹងមានកម្រាស់ត្រឹមតែ 6 មីលីម៉ែត្រប៉ុណ្ណោះ ដែលធ្វើឱ្យវាស្តើងជាង iPhone 16 និង iPhone 16 Pro 25% នាពេលបច្ចុប្បន្នវាអាចជា iPhone ដែលស្តើងបំផុតរបស់ Apple ដែលមិនធ្លាប់មាន។
ខណៈពេលដែលពាក្យចចាមអារ៉ាមបានណែនាំថា iPhone 17 Air អាចស្តើងជាង 6 mm ប៉ុន្តែនេះហាក់ដូចជាពិបាកក្នុងការសម្រេចបាន ដោយសារតែបញ្ហាប្រឈមបច្ចេកទេសទាក់ទងនឹងថ្ម។ទោះជាយ៉ាងណាក៏ដោយ វានឹងនៅតែជាឧបករណ៍ស្តើងបំផុតមួយរបស់ Apple បន្ទាប់ពី OLED iPad Pro ទំហំ 13 អ៊ីញ។
ទូរស័ព្ទនេះនឹងក្លាយជាម៉ូដែលតែមួយគត់នៅក្នុងស៊េរីថ្មីដែលមានការ រចនារូបរាងស្តើងបំផុត ខណៈដែលម៉ូដែលផ្សេងទៀតនឹងរក្សាការរចនាបច្ចុប្បន្ន។ បន្ថែមពីលើការកាត់បន្ថយកម្រាស់ ឧបករណ៍នេះក៏អាចនឹងមាន RAM 8 GB និង បន្ទះឈីប A19 ។
លក្ខណៈពិសេសប្លែកមួយទៀតរបស់ iPhone 17 Air នឹងក្លាយជាម៉ូដឹម 5G ផ្ទាល់ខ្លួនរបស់ Apple ដែលអាចផ្តល់នូវដំណើរការតភ្ជាប់ប្រសើរជាងម៉ូដែលផ្សេងទៀត។ ស៊ុមនឹងធ្វើពីអាលុយមីញ៉ូម ជាជាងទីតានីញ៉ូមដូចម៉ូដែល Pro ដើម្បីរក្សាឧបករណ៍ឱ្យស្រាល និងឆើតឆាយ។ សង្ខេប
លក្ខណៈពិសេសមួយទៀតរបស់ iPhone 17 Air នឹងក្លាយជា ម៉ូដឹម 5G ផ្ទាល់ខ្លួនរបស់ Apple ដែលអាចធានាបាននូវដំណើរការតភ្ជាប់កាន់តែប្រសើរបើប្រៀបធៀបទៅនឹងម៉ូដែលផ្សេងទៀត។ ហើយសម្រាប់ស៊ុមរបស់វាអាចត្រូវបានផលិតពី អាលុយមីញ៉ូម ដើម្បីឱ្យទូរស័ព្ទមានទម្ងន់ស្រាល និងឡូយឆាយជាងមុន។
គេរំពឹងថា iPhone 17 Air នឹងមកដល់នាពេលខាងមុខ ជាមួយនឹងភាពទាក់ទាញការចាប់អារម្មណ៍ជាច្រើន ដោយសារការរចនាដ៏ស្តើង និងលក្ខណៈពិសេសរបស់វា ដែលនឹងខុសប្លែកពីម៉ូដែលផ្សេងទៀត។
តើ Apple នឹងអាចនាំ iPhone ចូលទីផ្សារដែលមានកម្រាស់តិចជាង 6 mm ដែរឬទេ? អ្វីដែលយើងទន្ទឹងរង់ចាំគឺនៅថ្ងៃដែល iPhone 17 Air ចេញជាផ្លូវការនាពេលខាងមុខ។
ប្រភព : ceotech.it