vivo បានបង្ហាញពីការចេញលក់ស្មាតហ្វូនកំពូលៗចំនួន 3 របស់ vivo នាពេលថ្មីៗនេះ ដូចជា vivo X200, X200 Pro និង X200 Pro Mini ដែលបំពាក់ដោយបន្ទះឈីប Dimensity 9400។ vivo ក៏គម្រោងនឹងពង្រីកត្រកូល X200 របស់ខ្លួន ដែលរួមទាំង vivo X200 Ultra នាពេលខាងមុខ ដែលរំពឹងថានឹងបំពាក់នូវ Snapdragon 8 Elite និងចេញលក់ក្នុងត្រីមាសទី 2 ឆ្នាំ 2025។
vivo X200S ត្រូវបានគេរំពឹងថានឹងបំពាក់នូវបន្ទះឈីប Dimensity 9400+ ដែលជាកំណែអាប់ដេតនៃ Dimensity 9400 ដែលប្រើក្នុងម៉ូដែលមុនៗ។ វាទំនងជានឹងចេញនៅខែមេសា ឬឧសភា ឆ្នាំ 2025 ។ នេះបង្ហាញថាក្រុមហ៊ុន Vivo កំពុងពង្រីកយុទ្ធសាស្រ្តរបស់ខ្លួនក្នុងស៊េរី X200 របស់ខ្លួន។
គេក៏រំពឹងថា vivo X200S នឹងមានអេក្រង់ OLED 1.5K LTPS OLED ធំជាង និងគុណភាពខ្ពស់ ដែលទំនងជាធំជាងអេក្រង់ 6.67 អ៊ីញរបស់ vivo X200 ។ លើសពីនេះ វានឹងមានប្រព័ន្ធកាមេរ៉ាបីនៅខាងក្រោយ ជាមួយនឹងកាមេរ៉ាមេទំហំ 50MP និង periscope telephoto lens ដែលអាចធ្វើឲ្យវាថតរូបកាន់តែមានគុណភាព។
vivo X200S ក៏អាចនឹងផ្តល់ថាមពលថ្មធំជាងមុន ជាមួយនឹងភាពធន់ជាមួយនឹងធូលី និងទឹកកាន់តែប្រសើរ និងមានឧបករណ៍ចាប់សញ្ញាស្នាមម្រាមដៃ ultrasonic លឿនជាងមុន ដែលធ្វើឱ្យវាកាន់តែទំនើបជាង។
នេះក៏មានន័យថា Vivo កំពុងផ្តោតលើការចេញលក់ X200S ជាម៉ូដែលដែលបានអាប់ដេតជាមួយនឹងលក្ខណៈពិសេសកម្រិតខ្ពស់ ប៉ុន្តែនៅតែរក្សាការរចនា និងវិធីសាស្រ្តរួមនៃស៊េរី X200របស់ខ្លួនដដែល។
ប្រភព : ceotech.it