លោក Jia Jingdong អនុប្រធានក្រុមហ៊ុន Vivo ថ្មីៗនេះ បានបង្ហាញព័ត៌មានលម្អិតអំពីការរចនា និងលក្ខណៈពិសេសរបស់ស៊េរី Vivo S20 នៅលើ Weibo ។ Vivo S20 និង S20 Pro អាចនឹងបង្ហាញជាផ្លូវការរបស់ពួកគេនៅក្នុងប្រទេសចិនដែលគ្រោងនឹងធ្វើឡើងនៅថ្ងៃទី 28 ខែវិច្ឆិកា។
ដោយ Vivo S20 និង S20 Pro មានការរចនាស្រដៀងគ្នាខ្លាំងណាស់ ដោយវាមានភាពខុសគ្នាបន្តិចបន្តួចប៉ុណ្ណោះ។ ភាពខុសគ្នាសំខាន់គឺថា S20 Pro មាន periscope lens ដែលផ្តល់ឱ្យវានូវការដំឡើងកាមេរ៉ាកម្រិតខ្ពស់ជាងបើប្រៀបធៀបទៅនឹង S20 ធម្មតា។ S20 Pro ត្រូវបានគេរំពឹងថានឹងមានកាមេរ៉ាគោលទំហំ 50 MP, 50 MP ultra-wide lens, 50 MP periscope telephoto lens និងកាមេរ៉ាខាងមុខ 50 MP ដែលផ្តល់នូវការថតរូបគុណភាពខ្ពស់។
បើតាមការបង្ហាញពីអនុប្រធានរបស់ក្រុមហ៊ុន Vivo សម្រាប់ Vivo S20 Pro នឹងបំពាក់នូវបន្ទះឈីប MediaTek Dimensity 9300+ ។ ទន្ទឹមនឹងនោះ Vivo S20 ត្រូវបានគេរំពឹងថានឹងភ្ជាប់មកជាមួយបន្ទះឈីប Snapdragon 7 Gen 3 ។ Vivo S20 អាចនឹងមានថាមពលថ្មធំ 6,500 mAh។
ជារួមទាំង Vivo S20 និង S20 Pro នឹងមានខ្នងរាបស្មើជាមួយនឹងការរចនាកាមេរ៉ារាងដូចគ្រាប់ថ្នាំ ដែលរួមមានរង្វង់ពន្លឺធំជាងបើប្រៀបធៀបទៅនឹងម៉ូដែលមុនៗ។ ទូរស័ព្ទនេះក៏នឹងបំពាក់អេក្រង់កោងផងដែរ ផលិតដោយ BOE Q10 ដែលត្រូវបានរចនាឡើងដើម្បីឱ្យកាន់តែងាយស្រួលក្នុងការមើល ជាមួយនឹងកម្រិតភាពច្បាស់អេក្រង់ 1.5K ដែលផ្តល់នូវភាពច្បាស់។
ប្រភព : ceotech.it