Apple គ្រោងនឹងបញ្ចេញ iPhone SE ជំនាន់ថ្មីគឺ iPhone SE 4 នៅដើមឆ្នាំក្រោយ។ ម៉ូដែលថ្មីនេះនឹងមានការរចនា និងលក្ខណៈពិសេសកាន់តែប្រសើរឡើង ដែលធ្វើឱ្យវាកាន់តែស្រដៀងទៅនឹង iPhone ស៊េរីខ្ពស់របស់ក្រុមហ៊ុន Apple ។
iPhone SE 4 នឹងមានកាមេរ៉ាខាងក្រោយមួយ រួមជាមួយនឹងកាមេរ៉ាខាងមុខទំហំ 12MP កាមេរ៉ាខាងក្រោយនឹងមានសេនស័រទំហំ 48MP ដែលផ្តល់នូវគុណភាពរូបភាពកាន់តែប្រសើរ ជាមួយនឹងលក្ខណៈពិសេសដូចជា 2x Zoom និងរូបភាពលម្អិតជាច្រើនទៀត។
iPhone SE 4 នឹងមានការរចនាកាន់តែទំនើប ហើយនឹងក្លាយជាម៉ូដែល SE ដំបូងបង្អស់ដែលរួមបញ្ចូល Face ID ដែលជាបច្ចេកវិទ្យាសម្គាល់ផ្ទៃមុខរបស់ Apple ។ ទន្ទឹមនឹងការកែលម្អកាមេរ៉ា ទូរស័ព្ទក៏នឹងរួមបញ្ចូលនូវមុខងារកម្រិតខ្ពស់ផងដែរ ដូចជាបន្ទះឈីប A18 ដែលមានថាមពលខ្លាំង ដែលជាបន្ទះឈីបដូចគ្នាដែលប្រើក្នុង iPhone 16 និង 16 Plus។
iPhone SE 4 ប្រហែលជានឹងបំពាក់នូវម៉ូដឹម 5G ផ្ទាល់ខ្លួនដែលបង្កើតឡើងដោយ Apple ហើយចំពោះតម្លៃរបស់វាត្រូវបានគេរំពឹងថានឹងមានតម្លៃសមរម្យក្នុងកម្រិតថវិការសមល្មម ដែលមនុស្សជាអាចទទួលយកបាន។ នេះបង្ហាញថាiPhoneSE4នឹងផ្តល់នូវដំណើរការស្មាតហ្វូនកម្រិតខ្ពស់មួយជាមួយនឹងតម្លៃសមរម្យទៅកាន់អ្នកគាំទ្ររបស់ខ្លួន។
ប្រភព : ceotech