ក្រុមហ៊ុន Vivo កំពុងរៀបចំសម្រាប់ឆ្នាំ 2025 ជាមួយនឹងការលេចធ្លាយព័ត៌មានបង្ហាញអំពីការចេញលក់ Vivo X200 Ultra នៅក្នុងប្រទេសចិន។ ខណៈពេលដែល Vivo X200 និង X200 Pro មានរួចហើយនៅទូទាំងពិភពលោក។ តាមការបែកធ្លាយពី DCS បានលើកឡើងថា ស្មាតហ្វូន vivo ដែលដំណើរការដោយបន្ទះឈីបSnapdragon 8 Elite របស់ក្រុមហ៊ុន Qualcomm នឹងត្រូវបានបង្ហាញនៅក្នុងខែ មីនា ឬខែមេសា ឆ្នាំ 2025។ ដោយគេគិតថាវានឹងចេញលឿនជាងស្មាតហ្វូនជំនាន់មុនរបស់ Vivo X100 Ultra ដែលបានបង្ហាញខ្លួនក្នុងខែឧសភា ឆ្នាំ 2024។ 
Vivo X200 Ultra នឹងមានប្រព័ន្ធកាមេរ៉ាកម្រិតខ្ពស់ដែលត្រូវបានរចនាឡើងដើម្បីទាក់ទាញអ្នកគាំទ្រក្នុងការថតរូប។ វានឹងរួមបញ្ចូលនូវកាមេរ៉ាចំនួន 3 គ្រាប់ ជាមួយនឹងសេនស័រមេ 50MP និងសេនស័រ periscope ដ៏មានអានុភាព 200MP។
Vivo មានផែនការធំសម្រាប់ឆ្នាំ 2025 ជាមួយនឹងស្មាតហ្វូនលំដាប់មធ្យមជាច្រើន ជាមួយនឹងការផ្តោតទៅលើ ទូរសព្ទដែលអាចបត់បានដែលដំណើរការដោយបន្ទះឈីប Snapdragon 8 Elite ដែលទំនងវាជា Vivo X Fold 4 ឬ X Fold 4 Pro ។ ឧបករណ៍ដែលអាចបត់បាននេះត្រូវបានគេរំពឹងថានឹងបង្ហាញខ្លួននៅពាក់កណ្តាលឆ្នាំ 2025។
ម៉្យាងវិញទៀត Vivo កំពុងអភិវឌ្ឍស្មាតហ្វូនថ្នាក់កណ្តាលតូច និងថេប្លេតដែលដំណើរការដោយបន្ទះឈីប Dimensity 9400 របស់ MediaTek ។ ស៊េរី Vivo X200s ដែលបន្តត្រកូល X100s ត្រូវបានគេរំពឹងថាក៏នឹងចេញនៅខែមេសា ឆ្នាំ 2025ផងដែរ។
ប្រភព : gizmochina