តាមការបែកធ្លាយពីរ Digital chat station បានបង្ហាញអំពីស្មាតហ្វូន OnePlus តូចមួយ ដែលមាន សមត្ថភាពខ្ពស់ និងថ្មកាន់បានយូរ ។ ខណៈដែលឈ្មោះពិតប្រាកដមិនត្រូវបានបញ្ជាក់នោះ ហើយបើតាមការបង្ហោះ Weibo បង្ហាញថាវាអាចជា OnePlus 13T ឬ OnePlus 13 Mini។
របាយការណ៍ពីមុនបានបង្ហាញថា OnePlus 13T នេះទំនងជាមានអេក្រង់ទំហំ 6.31 អ៊ីញ LTPO OLED 120Hz ជាមួយនឹងកម្រិតភាពច្បាស់ 1.5K និងមានគែមតូចបំផុតនៅសងខាងជ្រុងទាំងបួន។ អេក្រង់ត្រូវបានគេរំពឹងថានឹងបំពាក់ឧបករណ៍ចាប់សញ្ញាស្នាមម្រាមដៃនៅក្នុងអេក្រង់។
OnePlus 13T ត្រូវបានគេរំពឹងថានឹងដំណើរការដោយ Snapdragon 8 Elite ដែលជាបន្ទះឈីបដូចគ្នាទៅនឹងទូរស័ព្ទ OnePlus 13 ។ ទូរស័ព្ទនេះត្រូវបានគេរាយការណ៍ថានឹងបំពាក់ស៊ុមកណ្តាលដែក និងផ្នែកខាងក្រោយកញ្ចក់ ដែលរួមចំណែកដល់ការស្ថាបនាកម្រិតខ្ពស់។
ការដំឡើង កាមេរ៉ាខាងក្រោយអាចមានកាមេរ៉ាចម្បង 50 MP និង 50 MP telephoto និង 2x optical zoom ទោះជាយ៉ាងណាក៏ដោយ លក្ខណៈបច្ចេកទេសចុងក្រោយនៃកាមេរ៉ានៅតែមិនប្រាកដប្រជានោះទេ។ ទោះបីជាមានទំហំតូចក៏ដោយ ឧបករណ៍នេះត្រូវបានគេនិយាយថានឹងបំពាក់មកជាមួយថាមពលថ្ម 6,000 mAh ដែលមានទំហំធំសម្រាប់ទូរស័ព្ទប្រភេទនេះ។ វាក៏ត្រូវបានគេរំពឹងថានឹងមានការគាំទ្រសម្រាប់ការសាកឥតខ្សែផងដែរ។
តែគ្រប់យ៉ាងទាំងនេះគ្រាន់តែជាពត៌មានដែលបានបែកធ្លាយប៉ុណ្ណោះ ហើយប្រសិនបើគ្រប់យ៉ាងវាគឺជាការពិតនោះ OnePlus 13T អាចត្រូវបានដាក់ជាទូរសព្ទដែលដំណើរការដោយ Snapdragon 8 Elite ដែលមានតម្លៃសមរម្យបំផុត ជាមួយនឹងតម្លៃរំពឹងទុកប្រហែល 415 ដុល្លារ។
នាពេលបច្ចុប្បន្ននេះ Realme GT 7 Pro Racing Edition ជាមួយនឹងតម្លៃចាប់ផ្តើម 430 ដុល្លារ គឺជាទូរសព្ទដែលប្រើបន្ទះឈីប Snapdragon 8 Elite ដែលមានតម្លៃសមរម្យបំផុតនៅក្នុងប្រទេសចិន។
ប្រភព : gizmochina