ក្រោយពីការសាកសួរអស់រយៈពេល 4 ថ្ងៃ ពេលនេះមេធំ Telegram លោក Pavel Durov ត្រូវបានដោះលែងឱ្យនៅក្រៅឃុំ។ ហើយលោកសន្យាថានឹងធ្វើឲ្យ Telegram ល្អប្រសើរឡើងជាងមុនថែមទៀត។
យើងដឹងហើយមួយរយៈពិតជាផ្ទុះជុំវិញការចោទប្រកាន់ទៅលើលោក Durov ដែលជាមេធំរបស់ Telegram អំពីបញ្ហាកើតមានឡើងកន្លងមកមួយចំនួន។
គួរបញ្ជាក់ដែលថា Durov ត្រូវបានដាក់ឱ្យស្ថិតនៅក្រោមការស៊ើបអង្កេតជាផ្លូវការ នៅក្នុងប្រទេសបារាំងទាក់ទងកម្មវិធី Telegram ដែលមានការប្រើខុសច្បាស់ផ្សេង ដូចជាឧក្រិដ្ឋកម្មរួមទាំងការក្លែងបន្លំ ការជួញដូរគ្រឿងញៀន និងការចែករំលែករូបភាព ដែលរំលោភបំពានលើផ្លូវភេទកុមារ ។
មេធាវីរបស់ Durov បាននិយាយថា វាមិនសមហេតុផលទេក្នុងការស៊ើបអង្កេតថៅកែ Telegram ពាក់ព័ន្ធនឹងឧក្រិដ្ឋកម្មដែលប្រព្រឹត្តដោយមនុស្សផ្សេងទៀតនៅលើកម្មវិធី Telegram នោះ ។
Durov និយាយថាអ្នកប្រើប្រាស់ Telegram មិនមានអ្វីទក់ទងនឹងឧក្រិដ្ឋកម្មឡើយ។ តិចតួចបំផុត ដែលមានសកម្មភាពខុសច្បាប់ បង្កើតរូបភាពមិនល្អសម្រាប់កម្មវិធីទាំងមូល ហើយនេះក៏ជាអ្វីដែល Telegram នៅឆ្នាំនេះត្រូវកែសម្រួលដើម្បីឲ្យបានល្អប្រសើរវិញ។ លោក Pavel Durov នឹងដោះបញ្ហាដែលកើតមានឡើង ហើយនឹងត្រូវដកចោលនៅមុខងារមួយចំនួនដែលដែលត្រូវបំពានដោយអំពើរខុសច្បាប់។ Durov បានបិទទាក់ទងប្រព័ន្ធផ្សព្វផ្សាយមួយចំនួន ដែលវាហាក់ប្រើខុសដោយជនអនាមិក។
Durov បាននិយាយថា Telegram មិនល្អឥតខ្ចោះទេ។ គាត់ក៏បន្តថា ចំពោះការអះអាងនៅក្នុងប្រព័ន្ធផ្សព្វផ្សាយមួយចំនួនដែលថា Telegram គឺជាកន្លែងអនាធិបតេយ្យនោះគឺមិនពិតទេ ។ Telegram បានដកការបង្ហោះ និងគេហទំព័រ ដែលបង្កគ្រោះថ្នាក់រាប់លានជារៀងរាល់ថ្ងៃ។
ប៉ុន្តែយ៉ាងណាមិញ រឿងនេះក៏បានដោះស្រាយក្រោយពីលោក Durov បានបកស្រាយអំពីបញ្ហាដែលត្រូវបានគេចោទប្រកាន់មកលើ កម្មវិធីរបស់ខ្លួន តែយ៉ាងណាក៏លោកមិនបានបោះបង់ចោល ហើយខំប្រឹងពង្រឹងTelegram
ឲ្យកាន់តែប្រសើរ។
ប្រភព : Reuters.