vivo បានបញ្ជាក់អំពីលក្ខណៈសម្បត្តិសំខាន់ៗរបស់ vivo T3 Ultra មុនការបង្ហាញខ្លួននៅថ្ងៃស្អែកក្នុងប្រទេសឥណ្ឌា។តាមគេហទំព័រផ្សព្វផ្សាយ vivo នៅឥណ្ឌាដោយបានបង្ហាញថា T3 Ultra នឹងត្រូវបានដំណើរការដោយ Dimensity 9200+ SoC ហើយនឹងមានRAM ដល់ទៅ 12GB និង Memory 256GB ។
vivo T3 Ultra នឹងមានអេក្រង់កោង 6.78″ 1.5K 120Hz AMOLED ជាមួយនឹងកម្រិតពន្លឺខ្ពស់បំផុត 4,500 nits និងគាំទ្រ HDR10+ ។ វានឹងត្រូវបានបំពាក់ដោយថាមពលថ្ម 5,500 mAh ជាមួយនឹងការសាកថ្មតាមខ្សែ 80W ។
សម្រាប់កាមេរ៉ា vivo T3 Ultra នឹងមានកាមេរ៉ាចំនួន 3 គ្រាប់ កាមេរ៉ាគោលវាមាន 50MP primary (Sony IMX921, OIS), 8MP ultrawide និងកាមេរ៉ាមុខមាន 50MP ។ T3 Ultra ក៏អាចថតវីដេអូកម្រិត 4K បានដែរ ។ ហើយស្មាតហ្វូននេះនឹងមានកម្រាស់ 7.58mm និងមានកម្រិតការពារទឹក IP68 ផងដែរ។
vivo T3 Ultra នឹងត្រូវដាក់លក់នៅក្នុងប្រទេសឥណ្ឌានៅថ្ងៃស្អែក ពេលថ្ងៃត្រង់ ហើយនឹងត្រូវបានដាក់លក់តាមរយៈគេហទំព័រឥណ្ឌារបស់ vivo Flipkart និងហាងលក់រាយក្រៅផ្សេងៗ វានឹងមានតម្លៃក្រោម ($395)។
ប្រភព : GSMArena