ថ្មីៗនេះ Samsung Galaxy S25 Ultra ត្រូវបានគេរំពឹងថានឹងមកដល់ក្នុងខែមករាខាងមុខនេះ ហើយវាមានព័ត៌មានជាច្រើនបានបែកធ្លាយផងដែរ។
ពេលនេះក៏មានការចង្អុលបង្ហាញយ៉ាងជាក់លាក់មួយដោយ លេចធ្លាយពី Ice Universe ថា ទាក់ទងនឹងការរចនា កាមេរ៉ា Galaxy S25 Ultra គឺមិនត្រូវបានដឹងច្បាស់នោះទេ ដូច្នេះអ្វីដែលអ្នកឃើញរូបភាពតាមពត៌មានមួយចំនួន វាគ្រាន់តែជាការរំពឹងទុកប៉ុណ្ណោះ។
ខណៈពេលដែរ ការបង្ហាញទូទៅនៃរូបរាងរបស់ S25 Ultra គឺវាមិនត្រឹមត្រូវ 100% ទៅតាមព័ត៌មានដែលចេញផ្សាយនោះទេ ។ បើតាមពាក្យចចាមអារ៉ាមកន្លងមកបានបង្ហាញនោះថា S25 Ultra នឹងមានកាមេរ៉ាគោល 3x telephoto និង 5x telephoto ដូចជំនាន់មុនរបស់វា ដោយមានតែ ultrawide ប៉ុណ្ណោះដែលទទួលបានការអាប់ដេតទៅកាន់ 50 MP ISOCELL sensor JN3 ។
ទូរស័ព្ទនេះមានទម្ងន់ 219g ដែលធ្វើវាស្រាលជាង Galaxy S24 Ultra ។ វានឹងអាចមានថាមពលថ្ម 5,000 mAh ជាមួយនឹងការគាំទ្រសម្រាប់ការសាកថ្មតាមខ្សែ 45W ។ ហើយវាក៏អាចបំពាក់នៅ បន្ទះឈីប Snapdragon 8 Gen 4 របស់ក្រុមហ៊ុន Qualcomm ដែលគ្រោងនឹងចេញជាផ្លូវការនៅខែក្រោយផងដែរ។
ប្រភព : GSMArena