iQOO ត្រៀមចេញ iQOO 13 ខណៈពេលដែលឃើញព័ត៌មានមួយចំនួនបានចុះផ្សាយពីទូរសព្ទមួយនេះ ជុំវិញការលេចធ្លាយថ្មីមួយបង្ហាញពីលក្ខណៈពិសេសសំខាន់ៗរបស់វា ហើយនឹងការចេញសម្រាប់ទីផ្សារប្រទេសឥណ្ឌា។ ក្រឡេកទៅមើលលក្ខណៈសម្បត្តិដែលលេចធ្លាយនោះ iQOO 13 ហាក់ដូចជាត្រៀមបានយ៉ាងល្អសម្រាប់ការប្រកួតប្រជែងនៅលើទីផ្សារ។ ទូរស័ព្ទនេះមានពាក្យចចាមអារ៉ាមថានឹងមានអេក្រង់ទំហំ 6.7 អ៊ីញ 2K AMOLED ជាមួយនឹង 144Hz ។ វាក៏នឹងដំណើរការដោយ Snapdragon 8 Gen 4 នាពេលខាងមុខ iQOO 13 ត្រូវបានគេរំពឹងថានឹងផ្តល់នូវអង្គផ្ទុកទិន្នន័យរហូតដល់ 512GB និងរ៉េម 16GB ។
iQOO 13 មានពាក្យចចាមអារ៉ាមថាមានប្រព័ន្ធកាមេរ៉ា 50MP ទាំងបីគ្រាប់ main lens, ultra-wide, and 2x telephoto lens. ព័ត៌មានលម្អិតបន្ថែមដែលលេចធ្លាយបង្ហាញថា iQOO 13 នឹងភ្ជាប់មកជាមួយមុខងារស្កេនម្រាមដៃលើអេក្រង់ ហើយសម្រាប់ថាមពលថ្មធំ 6,150mAh គាំទ្រការសាកថ្មលឿន 100W និងកម្រិត IP68 សម្រាប់ធន់នឹងធូលី និងទឹក។ ទូរស័ព្ទនេះក៏អាចមានស៊ុមដែក និងបន្ទះពន្លឺ “Halo” ផងដែរ ។
គួរបញ្ជាក់ផងដែរថាចំពោះតម្លៃ ការលេចធ្លាយបង្ហាញថា iQOO 13 អាចចាប់ផ្តើមប្រហែល ៦៥៨ ដុល្លារ នៅក្នុងទីផ្សារប្រទេសឥណ្ឌា។ ការចេញលក់របស់វាត្រូវបានរំពឹងថាអាចមាន នៅខែធ្នូក្នុងប្រទេសឥណ្ឌាបន្ទាប់ពីការចេញផ្សាយដំបូងរបស់ខ្លួននៅក្នុងប្រទេសចិន។
ប្រភព : gizmochina