RedMagic 10 Pro នឹងមកដល់នៅថ្ងៃទី 13 ខែវិច្ឆិកាខាងមុខនេះ នៅក្នុងប្រទេសចិន។ ស៊េរី RedMagic 10 Pro នឹងមកជាមួយនឹងអេក្រង់ធំស្តើង និងបំពាក់ដោយបន្ទះឈីប Snapdragon 8 Elite ផងដែរ។
ស៊េរីទូរស័ព្ទលេងហ្គេម RedMagic 10 Pro នាពេលខាងមុខនេះ ត្រូវបានគេរំពឹងថានឹងមានអេក្រង់ OLED ទំហំ 7 អុីញជាមួយនឹងកម្រិតភាពច្បាស់ខ្ពស់ 2688 x 1216 ភីកសែល និង 144Hz លឿនជាងមុន ដោយធ្វើឱ្យប្រសើរឡើងជាងស៊េរី Red Magic 9 Pro ដែលមានអេក្រង់ទំហំ 6.8 អុីញ ជាមួយនឹងកម្រិតភាពច្បាស់ 1116 x 2460 ភីកសែល និងអត្រាធ្វើឱ្យស្រស់ 120Hz RedMagic 10 Pro វាក៏នឹងនាំមកជាមួយ RAM រហូតដល់ 24 GB និង ទំហំផ្ទុក 1 TB ។
ចំពោះផ្នែកសំខាន់មួយដែលក្រុមហ៊ុននឹងកែប្រែគឺទាក់ទងនឹងកាមេរ៉ា ដោយស៊េរី RedMagic ពីមុនមានបញ្ហាទាក់ទងនឹងកាមេរ៉ាខាងមុខនៅលើអេក្រង់ ដូច្នេះសម្រាប់ស៊េរី RedMagic 10 Pro ថ្មីនេះក្រុមហ៊ុននឹងធ្វើឲ្យផ្នែកកាមេរ៉ាមានភាពល្អប្រសើរជាងជំនាន់មុនៗ ហើយដើម្បីសម្រេចបាននូវចំណុចនេះ RedMagic បានសហការជាមួយ BOE ដើម្បីបង្កើតដំណើរការថ្មីដោយប្រើបច្ចេកវិទ្យា COP និង SIP ដើម្បីធ្វើឲ្យផ្នែងអេក្រង់ខាងមុខកាន់តែទាក់ទាញជាងមុន។
ហើយវានឹងរួមបញ្ចូលប្រព័ន្ធបញ្ចុះកំដៅយ៉ាងមានប្រសិទ្ធភាព ជាមួយនឹងថាមពលថ្ម 7,050 mAh និងគាំទ្រការសាកថ្មលឿន 120W ។
ប្រភព : ceotech