តើកត្តាអ្វីខ្លះបានធ្វើឲ្យ Apple មានការលក់ធ្លាក់ចុះនៅក្នុងទីផ្សារប្រទេសចិននេះ?
លោក Ming-Chi Kuo អ្នកវិភាគដ៏ល្បីម្នាក់ជឿថា Apple នឹងប្រឈមមុខនឹងការលំបាកកាន់តែខ្លាំងនៅឆ្នាំ 2025 ដោយសារតែការលក់របស់ខ្លួននៅក្នុងប្រទេសចិនបន្តធ្លាក់ចុះ។ ដើម្បីដោះស្រាយបញ្ហាប្រឈមទាំងនេះ Apple នឹងត្រូវអនុវត្តយុទ្ធសាស្ត្រសំខាន់ៗដើម្បីគ្រប់គ្រងហានិភ័យទីផ្សារទាំងនេះ។
ការលក់ iPhone
Apple កំពុងតែប្រឈមជាមួយនឹងការធ្លាក់ចុះនៃការលក់ iPhone នៅក្នុងប្រទេសចិន បើទោះបីជាព្យាយាមប្រើវិធីសាស្រ្តផ្សេងគ្នាជាច្រើនក៏ដោយ។ការលក់iPhoneនៅក្នុងប្រទេសចិនស្ទើរតែជាប់គាំងទៅហើយ។ខណៈដែលApple ក៏បានអាប់ដែតឧបករណ៍របស់ខ្លួនឲ្យប្រសើរដែរ ក៏ប៉ុន្តែការអាប់ដេតទាំងនេះប្រហែលជាមិនមានភាពទាក់ទាញ ឬប្រកួតប្រជែងដូចម៉ូដែលស្មាតហ្វូនផ្សេងទៀតដែលមាននៅលើទីផ្សារនោះទេ។
ដោយសូម្បីតែ iPhone SE 4 ដែលនឹងមកដល់នាពេលខាងមុខ ដែលត្រូវបានគេរំពឹងថាជាជម្រើសដែលមានតម្លៃសមរម្យ ក៏នឹងមិនអាចជួយបង្កើនការលក់របស់ក្រុមហ៊ុន Apple នៅក្នុងប្រទេសចិនឲ្យបានប្រសើរនោះដែរ។
ការច្នៃប្រឌិត
Apple កំពុងកែលម្អ iPhone របស់ខ្លួន ប៉ុន្តែខ្វះការច្នៃប្រឌិតសំខាន់ៗ។ ក្រុមហ៊ុនអាចនឹងដាក់លក់ iPhone ស្តើងបំផុត (5.5mm) និងអាចបត់បាននៅក្នុងឆ្នាំ 2025។ ទោះជាយ៉ាងណាក៏ដោយ ដោយសារតែការរចនាស្តើងរបស់វា ឧបករណ៍នេះនឹងគាំទ្រតែ eSIM ដែលអាចពិក្នុងការទាក់ចិត្តរបស់អ្នកប្រើប្រាស់ក្នុងប្រទេសចិន។
គ្មាន AI
ខណៈពេលដែលក្រុមហ៊ុនបច្ចេកវិទ្យាផ្សេងទៀតបានផ្តោតយ៉ាងខ្លាំងលើ AI ខណៈពេលដែល Apple មិនទាន់ទទួលយកនិន្នាការនេះទាំងស្រុងនៅឡើយទេ។ យ៉ាងណាមិញ Apple បានដាក់ឱ្យដំណើរការ “Apple Intelligence” តែវាមិនបានដាក់ឲ្យប្រើនៅក្នុងប្រទេសចិនឡើយ។ ដូច្នេះiPhone ពិបាកទាក់ទាញអ្នកប្រើប្រាស់របស់ខ្លួនបន្តិចហើយ ដោយតាមការស្ទង់មតិមួយបានបង្ហាញថា អ្នកប្រើប្រាស់ទាំងនេះកំពុងពិចារណាប្តូរទៅម៉ាកផ្សេងៗជំនួសឲ្យ Apple ។
ដោយឡែកក្រឡេកមកមើល ក្រុមហ៊ុន Huawei និងម៉ាកយីហោចិនផ្សេងទៀតកំពុងបន្តបង្ហាញកម្មវិធីពិភពលោកពិតនៃ AI និងការច្នៃប្រឌិតខ្ពស់ជាច្រើន។
ប្រភព : huaweicentral