ពាក្យចចាមអារ៉ាម ថ្មីមួយបង្ហាញថា iPhone 17 ខាងមុខអាចនឹងមានមុខងារការសាកឥតខ្សែបញ្ច្រាសដែលគិតថាអាចមាននៅលើ iPhone 17 Pro និង iPhone 17 Pro Max ដែលនឹងមកដល់ ដែលអនុញ្ញាតឱ្យអ្នកប្រើប្រាស់អាចសាកថ្មឧបករណ៍ផ្សេងទៀតដោយគ្រាន់តែដាក់វានៅខាងក្រោយទូរស័ព្ទ iPhone នេះ។
ដូចដែលយើងដឹងហើយថា Apple មិនមែនជាក្រុមហ៊ុនដំបូងគេដែលទទួលយកបច្ចេកវិទ្យាថ្មីៗនោះទេ។ ជារឿយៗ Apple ចូលចិត្តរង់ចាំហើយកែលម្អតាមក្រោយ។ ក្រុមហ៊ុនដែលប្រើប្រព័ន្ធប្រតិបត្តិការ Android ជាច្រើនបានផ្តល់ជូននូវលក្ខណៈពិសេសនេះកន្លងមកហើយ ប៉ុន្តែសម្រាប់ Apple វានឹងក្លាយជាមុខងារថ្មីថ្មោងរបស់ក្រុមហ៊ុនផងដែរ។ តាមការបែកធ្លាយនេះ Apple អាចនឹងបំពាក់ការសាកចេញដល់ 7.5W បើធៀបនឹង 4.5W ដែលផ្តល់ជូនដោយ ក្រុមហ៊ុន Samsung នៅលើម៉ូដែលស្មាតហ្វូនរបស់ខ្លួន។
វាអាចបញ្ចូល AirPods បានដោយគ្រាន់តែយកដាក់ពីក្រោយទូរស័ព្ទ តែយ៉ាងណាក៏វាត្រូវការថាមពលគ្រប់គ្រាន់ដើម្បីផ្ទេរថាមពលទៅឧបករណ៍ដទៃ។ បច្ចុប្បន្ននេះ ថ្មធំបំផុតដែលមិនធ្លាប់មាននៅក្នុង iPhone គឺ iPhone 16 Pro Max ហើយបើ Apple បំពាក់មុខងារសាកថ្មឥតខ្សែបញ្ច្រាសនេះគឺត្រូវតែបង្កើននៅថាមពលថ្មឲ្យកាន់តែធំ។
ទូរស័ព្ទ iPhone ដែលមានថាមពលថ្ម 5,500mAh និងការសាកឥតខ្សែបញ្ច្រាសនឹងក្លាយជាអ្វីដែលថ្មីសម្រាប់ប្រិយមិត្ត Apple។ តែយ៉ាងណាក៏វាស្ថិតក្នុងពាក្យចចាមអារ៉ាម ប៉ុណ្ណោះ ហើយនាពេលអនាគតនឹងប្រាប់ថាតើ Apple សម្រេចចិត្តដើរតាមផ្លូវនេះឬអត់។
ប្រភព : gizmochina