ស្មាតហ្វូន Honor ដែលនឹងមកដល់នាពេលខាងមុខ គឺ Honor 400 Lite បានបង្ហាញនៅលើអ៊ីនធឺណិតនាពេលថ្មីៗនេះ ។ ដោយគេឃើញថា Honor 400 Lite មកជាមួយជម្រើសពណ៌ចំនួន 3 ផងដែរ។
នៅផ្នែកខាងក្រោយនៃ Honor 400 Lite វាមានការកាមេរ៉ាភ្លោះ និងអំពូល LED។ ហើយនឹងគែមខាងស្តាំនៃទូរស័ព្ទមានឧបករណ៍រំកិលកម្រិតសំឡេង ប៊ូតុងថាមពល នឹងពិសេសនោះគឺប៊ូតុងកាមេរ៉ាដូច iPhone ដែរ។ យោងតាមការចុះផ្សាយនេះ ស្មាតហ្វូន Honor 400 Lite នឹងមានអេក្រង់ OLED ទំហំ 6.7 អ៊ីញ គាំទ្រការភ្ជាប់ 5G ជាមួយនឹងRAM 8GB និងអង្គផ្ទុក 256GB ។
ថ្មីៗនេះ Honor 400 Lite ត្រូវបានគេប្រទះឃើញនៅក្នុង Google Play Console ដោយបង្ហាញពី បន្ទះឈីប MediaTek Dimensity 7025 និង Android 15 ។
ដោយចំពោះមុខងារកាមេរ៉ាក៏ដូចជាសមត្ថភាពថ្មរបស់វាមិនទាន់មានការចុះបញ្ជាក់ណាមួយនោះទេ តែទូរស័ព្ទត្រូវបានគេដឹងតម្លៃប្រហែល 380 ដុល្លារ ជាមួយនឹងជម្រើស បីពណ៌ទៀតផង។
ប្រភព : gizmochina