អាមេរិកកំពុងរៀបចំដាក់ពន្ធថ្មីលើទូរស័ព្ទដែលនាំចូលពីបរទេស ជាពិសេសទូរស័ព្ទរបស់ក្រុមហ៊ុន Apple និង Samsung ដែលអាចធ្វើឱ្យតម្លៃទូរស័ព្ទទាំងនេះកើនឡើងយ៉ាងខ្លាំង ពន្ធថ្មីនេះត្រូវបានប្រកាសដោយលោក Donald Trump ដែលអាចប៉ះពាល់ដល់ក្រុមហ៊ុនទាំងពីរយ៉ាងធ្ងន់ធ្ងរ ព្រោះអាមេរិកគឺជាទីផ្សារសំខាន់សម្រាប់ទូរស័ព្ទទាំងពីរនេះ។
អ្នកវិភាគយល់ថា Apple និង Samsung អាចនឹងត្រូវបង់ពន្ធកាន់តែខ្ពស់ដោយសារការពឹងផ្អែកខ្លាំងលើការផលិតនៅប្រទេសដទៃ ជាពិសេសចិន វៀតណាម និងឥណ្ឌា ដែលជាមជ្ឈមណ្ឌលផលិតកម្មសំខាន់ៗ ប្រទេសចិននឹងត្រូវបង់ពន្ធខ្ពស់បំផុតគឺ ៣៤% ខណៈវៀតណាមត្រូវបង់ពន្ធដល់ទៅ ៤៦% ឯឥណ្ឌាត្រូវបង់ពន្ធប្រមាណ ២៦%។
ការកើនឡើងពន្ធនេះអាចធ្វើឱ្យតម្លៃទូរស័ព្ទកើនឡើង ដែលនាំឱ្យអ្នកប្រើប្រាស់នៅអាមេរិកត្រូវចំណាយប្រាក់ច្រើនជាងមុន ម្យ៉ាងវិញទៀត ក្រុមហ៊ុនទាំងពីរក៏អាចទទួលរងការថយចុះនៃប្រាក់ចំណេញផងដែរ ដើម្បីដោះស្រាយបញ្ហានេះ Apple និង Samsung បានព្យាយាមកាត់បន្ថយការពឹងផ្អែកលើប្រទេសចិន ដោយផ្លាស់ប្តូរកន្លែងផលិតទៅប្រទេសដទៃវិញ។
ប្រភព : gizmochina