អនុប្រធានផលិតផលរបស់ក្រុមហ៊ុន Vivo លោក Huang Tao បានបង្ហាញព័ត៌មានលម្អិតអំពី Vivo X200 Ultra តាមរយៈការបង្ហោះនៅលើ Weibo បន្ទាប់ពី ទទួលបានការគាំទ្រយ៉ាងច្រើនទៅលើ Vivo X100 Pro កន្លងមកដែលលក់ដាច់ខ្លាំងបំផុតក្នុងប្រវត្តិសាស្ត្រស៊េរី X ហើយឥឡូវ Vivo កំពុងផ្តោតអារម្មណ៍ទៅលើផ្នែក Ultra វិញ។
គេក៏មើលឃើញថា X200 Ultra រចនាម៉ូឌុលកាមេរ៉ាមូលដ៏ធំដែលមានកញ្ចក់ Zeiss prime 3 រួមមាន lens APO telephoto 85mm lens ultra-wide 14mm និង classic 35mm humanistic lens ដោយ lens ទាំងអស់មានថ្នាំកូត Zeiss T និង OIS។
ជាមួយនឹងការថតវីដេអូ 4K នៅ 60fps និង 10-bit Log ថែមទាំងមាន cinematic 4K នៅ 120fps រួមជាមួយប៊ូតុងបញ្ជាកាមេរ៉ា និងប្រព័ន្ធ Zoom Flash ដែលអាចកែតាមបំណងសម្រាប់ការថតរូបបញ្ឈរដូច DSLR ។
ក្រៅពីលក្ខណៈកាមេរ៉ាដ៏អស្ចារ្យ X200 Ultra នឹងមានឈីប Snapdragon 8 Elite អេក្រង់ 2K Zeiss Master Color ដែលមានការការពារភ្នែករាងជារង្វង់ ប្រព័ន្ធស្កេនស្នាមម្រាមដៃ ultrasonic ដែលដំណើរការបានទោះម្រាមដៃសើម ថ្មដែលមានសមត្ថភាពខ្ពស់ និងការសាកឥតខ្សែ។
អ្វីដែលកាន់តែចាប់អារម្មណ៍ទៀតនោះ X200 Ultra ក៏នឹងមកជាមួយពណ៌ដូចជា ពណ៌ក្រហម ប្រាក់ និងខ្មៅ ហើយគ្រោងនឹងចេញលក់នៅថ្ងៃទី 21 ខែមេសានេះនៅប្រទេសចិន ជាមួយឧបករណ៍ផ្សេងៗទៀត។
ប្រភព : gizmochina