ក្រុមហ៊ុនផលិតទូរស័ព្ទដៃ Vivo បានធ្វើការប្រកាសដាក់គ្រោងចេញលក់ជាផ្លូវការនូវស្មាតហ្វូនសេរ៊ីថ្មីរបស់ខ្លួនគឺ Vivo Y03t ក្នុងទីផ្សារសកលក្នុងពេលឆាប់ៗនេះ។
Vivo Y03t មានប្រវែងតួខ្លួនសរុប ១៦៣, ៦៣ ម.ម ទទឹង ៧៥,៥៨ ម.ម កម្រាស់ ៨,៣៩ ម.ម និងទម្ងន់ ១៨៥ ក្រាម តែសម្រាប់ការរចនាខាងក្រៅវាទទួលបានពណ៌តួខ្លួនចំនួន ២ រួមមានពណ៌ខ្មៅ និងពណ៌បៃតង ។ ពិសេសជាងនេះទៅទៀត ស្មាតហ្វូននេះមានប្រព័ន្ធថាមពល 5000 mAh គាំទ្រដោយដុំសាកទំហំ ១៥ វ៉ាត់ និងប្រព័ន្ធប្រតិបត្តិការ Android 14 ។
Vivo Y03t នឹងទទួលបានអេក្រង់ LCD ទំហំ ៦,៥៦ អ៊ីញ កម្រិត HD+ និងកម្រិត refresh rate 90Hz ដំណើរការដោយប្រព័ន្ធ MediaTek Helio G85 SoC ព្រមទាំងភ្ជាប់មកជាមួយ RAM និងអង្គចងចាំទំហំ 4 GB + 128 GB និងប្រព័ន្ធដំណើរការ 4G LTE ជាដើម។